[A:57]མཐའ་འཁོབ་རྣམས་སུའོ། །བཅུའི་ཚོགས་ཀྱིས་དབུས་རྣམས་སུའོ། །སྐྱབས་སུ་འགྲོ་བ་གསུམ་བརྗོད་པས་བཟང་སྡེའི་ཚོགས་དྲུག་ཅུ་རྣམས་ཀྱིའོ་ཞེས་སོ། །དེ་ལྟར་རྗེས་སུ་གནང་བའི་བཀའ་རྣམས་བཀླགས་པ་ཀྱང་གསོལ་བ་བྱེད་དེ། དོན་གྱིས་དེ་རྣམས་དེ་བཞིན་གཤེགས་པས་གསུངས་པ་ཉིད་དུ་ཁས་བླངས་པའི་ཕྱིར་རོ། །དེ་ཉིད་ཀྱི་ཕྱིར་གསུངས་པ། །སངས་རྒྱས་ཀྱི་གསུང་ནི་དོན་ལ་རྟོན་པ་སྟེ། ཚིག་འབྲུ་ལ་རྟོན་པ་ནི་མ་ཡིན་ནོ་ཞེས་སོ། །ཞེས་གསུངས་སོ། །སྡེ་པ་བཅོ་བརྒྱད་དུ་གྱེས་པའི་སྐབས་སོ། །
སོ་སོར་ཐར་པའི་སྡོམ་བརྒྱུད་ཀྱི་སྐབས།
གངས་ཅན་གྱི་ཁྲོད་འདིར་བསྙེན་པར་རྫོགས་པའི་སྡོམ་པའི་བརྒྱུད་པ་གསུམ་སྟེ། དང་པོ་ནི་སློབ་དཔོན་ཀླུ་སྒྲུབ། ལེགས་ལྡན་འབྱེད། དཔལ་སྦས། ཡེ་ཤེས་སྙིང་པོ་ཞི་བ་འཚོ། སྦ་རཏྣ་ལས་བརྒྱུད་དེ། བླ་ཆེན་དགོངས་པ་རབ་གསལ་གྱི་རིམ་པ་ལས་བརྒྱུད་ནས་ཁམས་དང་དབུས་གཙང་དུ་ཀླུ་མེས་ལ་སོགས་པ་ལས་རིམ་གྱིས་བྱུང་བའོ། །
གཉིས་པ་ནི། པནྚི་ཏ་དྷརྨ་པཱ་ལའི་མཁན་བུ་པཱ་ལ་རྣམ་གསུམ་གྱི་སློབ་མ་ཞང་ཞུང་རྒྱལ་བའི་ཤེས་རབ་ནས་བརྒྱུད་པ་དང༌། སྟོད་འདུལ་བ་ཞེས་གྲགས་པ་དག་གོ
གསུམ་པ་ནི། ཀླུ་སྒྲུབ་ཀྱི་མཁན་བུ་གུ་ཎ་མ་ཏི། རཏྣ་མི་ཏྲ། ཤྲི་དྷརྨ་པཱ་ལ། གུ་ཎ་སཱ་ག་ར། དྷརྨ་མཱ་ལ། ཨཱ་ཀ་ར་གུཔྟ། པཎ་ཆེན་ཤཀྱ་ཤྲཱི་བྷ་དྲ། །དེས་བོད་ཡུལ་དུ་ས་སྐྱ་པཎ་ཆེན་ལ་སོགས་པ་མང་