[A:72]བཞུགས་ཤིང༌། བར་དུ་གུང་སྲོང་གུང་བཙན་གྱིས་ཀྱང་རྒྱལ་སྲིད་ཅུང་ཟད་མཛད་པའོ། །སྒྲོལ་མ་དང་གོས་དཀར་མོ་དང་དཀར་མོ་ཆེན་མོ་ནི་བཙུན་མོའི་མཆོག་གསུམ་སྟེ། ཀོང་ཇོ་དང༌། བལ་མོ་བཟའ་དང༌། འབྲིང་བཟའ་མ་ཐོད་དཀར་རོ། །ལི་ཙ་བྱིའི་རིགས་སུ་བྱུང་བ་ནི་ཡངས་པ་ཅན་པའི་བརྒྱུད་ཡིན་པའོ། །ཀླ་ཀློའི་རྒྱལ་ནི་ནུབ་ཕྱོགས་ཏཱ་ཞིག་གི་ཡུལ་ལའང་དབང་བྱེད་པའོ། །དེ་བཞིན་དུ་རྒྱལ་པོ་མང་པོ་ནི་འོག་ནས་འབྱུང་བ་རྣམས་ཏེ། ཁྱུ་མཆོག་ནི་མང་སྲོང་ངོ༌། །ཁྱུ་མཆོག་བཟང་ནི་ཀླུང་ནམ་མོ། །ས་འོད་ནི་མེས་ཨག་ཚོམས་སོ། །ས་འོད་བཟང་ནི་ཁྲི་སྲོང་ལྡེ་བཙན་ནོ། །ཕ་རོལ་གནོན་ནི་མུ་ནེ་བཙན་པོའོ། །རྐང་པའི་འགྲོས་ནི་ཁྲི་ལྡེ་སྲོང་བཙན་ནོ། །ས་སྲུངས་ནི་རལ་པ་ཅན་ནོ། །བེའུ་ནི་གླང་དར་མའོ། །འོད་ལྡན་ནི་འོད་སྲུངས་ཏེ། །ལྡན་པ་དང་བསྲུང་བ་ལ་ཨ་བ་ཏི་ཟེར་བའི་ཕྱིར་རོ། །ཐ་མར་འཆར་རྒྱལ་ངང་ཚུལ་ནི། ཉི་མ་འཆར་བའི་ཕྱོགས་ནས་བོད་ལ་དབང་བྱེད་པའི་ཧོར་རྒྱལ་པོ་ཡིན་ཞེས་འགའ་ཞིག་འདོད་ལ། ཤར་ཁ་ཞེས་གྲགས་པའི་ལུང་པ་འདིར། སྙགས་ཀྱིས་བཀྲོངས་པའི་དཔལ་འཁོར་བཙན་ཡིན་ཡང་རུང་ངོ༌། །དེ་ནས་བོད་སྤྱི་ལ་དབང་བྱེད་པའི་རྒྱལ་པོ་མེད་པས་ལུགས་རྣམ་པར་ཞིག་གོ །བོད་ཀྱི་རྒྱལ་པོ་རྣམས་རྩ་རྒྱུད་ནས་ལུང་བསྟན་པའི་སྐབས་སོ། །