[A:775]སེམས་དཔའ་བརྩོན་འགྲུས་འོད་བྱ་བ་ཡིན་པར་དཀོན་བརྩེགས་ཕྱིས་གཟིགས་པས་མངོན་པར་མཁྱེན་པར་གྱུར། དེའི་རྣམ་སྨིན་གྱི་ལས་ལྷག་མས་སྐུ་ཚེ་འདིར་ཡང་སྨན་མོ་དང་འབྲེལ་བ་ཡིན། །རབ་ཏུ་བྱུང་བའི་བསླབ་པ་ཉམས་པས། སྨན་མོ་ན་རེ། ངའི་ཕ་མ་གཉིས་ནི་ཕྱུག ཁོང་གཉིས་ལ་བུ་མེད་པས་ནོར་བླངས་པས་སྟེར་བས། ཁྱུང་ཚང་བ་ལ་འོ་སྐོལ་གཉིས་ཀྱི་ལས་འདིས་མི་གནོད་པའི་གདམས་པ་ཡོད་པར་འདུག་པས་ཞུ། ཁོང་གི་དེ་གསེར་ཆོས་ཡིན་ཟེར་བས་ངའི་ཕ་མའི་ལག་ལས་གསེར་ཁྱེར་ནས་འགྲོ་མོད་བྱས་ནས་ཁྱུང་ཚང་བའི་ཐད་དུ་བྱོན་ནས། རས་ཆུང་བའི་གདམས་པ་རྣམས་གསན། དེར་ཡབ་ཡུམ་གཉིས་ཀས་ན་བཟའ་རས་གོས་རེ་གསོལ། ཁྱུང་ཚང་བ་རས་ཆུང་བ་དངོས་དང་མཇལ་བའི་གསུང་མང་པོ་གནང་བ་ལ་ཅུང་ཟད་ཐེ་ཚོམ་སྐྱེས་པས། དུས་ཕྱིས་རྟོགས་པ་མཐོན་པོར་གྱུར་ནས་ཀྱང་དྲོད་ནི་ཆུང་བར་བྱུང་གསུང༌། དེར་ཡབ་ཡུམ་གཉིས་ཀྱིས་རས་པའི་ཆ་ལུགས་བྱས། ཁྱུང་ཚང་བས་ཀྱང་རས་ཆུང་བའི་གདན་སར་སོང་ཅིག་ཅེས་གསུངས་པས། ནོར་རྫས་ཀྱང་དུམ་རེ་ཁྱེར་ནས་ལོ་རོར་བྱོན། ཉིད་ཀྱི་དགུང་ལོ་སོ་ལྔ་པ་ཆུ་ཕོ་རྟའི་ལོ་ལ་ལོ་རོར་སླེབ། རས་ཆུང་བ་ན་ནིང་ལྕགས་མོ་སྦྲུལ་དེ་ལ་གཤེགས་ནས་མ་མཇལ། དེ་རྗེས་རས་ཆུང་པའི་སློབ་མ་སུམ་པ་ལ་སྐུ་མཚམས་གཅོད་པའི་ནུབ་མོ་མཇལ་བས། ངེད་ཐག་རིངས་ནས་ཆོས་ཞུར་འོངས་པ་ཡིན་པས་ཐུགས་ལ་གདགས་པར་ཞུ་བྱས་པས། གདམས་ངག་བྱེད་དགོས་པས་སློབ་དཔོན་ལོ་ལ་དབང་ཞུས་ལ་ཤོག་གསུང༌། དེ་ནས་