[A:793]ཕྱེད་དང་གཉིས་ཀྱི་བར་དུ་ཆོས་མ་ཆག་པར་གསུངས། ལྕགས་ཕོ་ཁྱིའི་ལོ་དགུང་ལོ་དྲུག་ཅུ་རྩ་བཞི་པ་ཟླ་བ་དགུ་པའི་ཚེས་ཉི་ཤུ་གཅིག་ལ་གཤེགས། ཟླ་བ་རྟིང་མའི་ཚེས་གཅིག་ལ་སྐུ་གདུང་ཞུགས་ལ་ཕུལ་བས་ཐུགས་ལྗགས་དང་རིང་བསྲེལ་ལ་སོགས་པ་མང་དུ་བྱོན། ངོ་མཚར་བའི་ལྟས་ཀྱང་གྲངས་ཀྱིས་མི་ཆོད། དེའི་ཚེས་བཅུ་གཅིག་ལ་ལྷོ་བྲག་རྒྱུད་གྱི་དགེ་འདུན་བསྡུས་ནས་སྐུ་འདབ་མཛད། དེ་ལྟར་ན་སྐྱེས་བུ་དམ་པ་འདི་ནི་གཏོང་བ་ཕུན་སུམ་ཚོགས་པ་དང༌། ཞེན་ཆགས་མེད་པ་དང༌། སྒྲུབ་པའི་སྙིང་རུས་དང༌། མཁས་པའི་མཁྱེན་པ་དང༌། བརྩེ་བས་གཞན་དོན་མཛད་པ་ཐམས་ཅད་ཟླ་བོས་དབེན་པར་གྱུར་པ་ཞིག་གོ།
ལོ་རས་གཤེགས་རྗེས་སུ་དབོན་པོ་ཙ་རི་བས་གདན་ས་གཟུང་ཞིང༌། སྤྱི་ལ་འགྲོ་དོན་ཡང་རྒྱ་ཆེར་མཛད། གྲུབ་ཐོབ་མགོན་ཡེས་ལ་སོགས་པའི་སློབ་མ་ཁྱད་པར་ཅན་ཡང་མང་དུ་བྱོན་ནོ། ལོ་རས་ཀྱི་སློབ་མ་འཇམ་དབྱངས་མགོན་པོ་ནི། ཡུལ་མྱང་སྟོད། བྱེ་བྲག་ཁམ་གྲོང༌། ཡབ་ཁྱུང་པོ་བསོད་ནམས་དཔལ་དང་ཡུམ་འདྲེ་མོ་ཁྱེ་འདྲེན་དཔལ་གྱི་སྲས་སུ་ས་ཕོ་འབྲུག་ལ་བལྟམས། སློབ་དཔོན་གཙང་སྟོན་ལ་གསོར་བཅུག ཁོང་ཕྱག་དྲུག་པའི་ཕྲིན་ལས་གཏོང་བའི་དུས་སུ་ཕྱག་དྲུག་པ་ཡུད་ཙམ་ཞིག་གཟིགས། མཚན་བསོད་ནམས་མགོན་པོར་བཏགས། ལྷའི་ཡུལ་དུ་སྐྱེས་པ་སོགས་སྐྱེ་བ་མང་པོ་དྲན། རྨི་ལམ་རྒྱུན་དུ་ཟིན་ཡང་འོད་གསལ་དུ་འགྲོར་མ་འདོད། ལོ་བཞི་ལྔ་ནས་སྒོམ་རང་སྐྱེས་སུ་བྱུང་ནའང་ངོ་མ་ཤེས། ལོ་