[A:798]སོལ། དེར་སྐྱབས་འགྲོ་སེམས་བསྐྱེད། སེམས་བསྐྱེད་ཆེན་མོ། རྣལ་འབྱོར་བཞི། ལྷན་ཅིག་སྐྱེས་སྦྱོར། ཐབས་ལམ་གྱི་ཁྲིད། རོ་སྙོམས་ཀྱི་དམིགས་པ་མང་པོ། རབས་བདུན། ཆིག་ཆོག གསང་སྤྱོད་ལས་ཕྲ་རྒྱས་ལ་སོགས་པ་དང༌། རྩ་ལྟུང་བཅུ་བཞི་པ་ལ་སོགས་དམ་ཚིག་གི་ཆོས་སྐོར། སྒྲུབ་ཐབས་བཅུ་གསུམ་མ་དང་ཞལ་གཉིས་མ་ལ་སོགས་པ་ཐམས་ཅད་ཀྱི་ལུང་གསན། དེ་ནས་འབྲུག་ཏུ་བྱོན་ནས་ཟླ་བ་གསུམ་དུ་བླ་སྒྲུབ་མཛད། ཚོགས་ཆོས་ལ་སོགས་མང་དུ་གསན། དགེ་འདུན་སྤྱིའི་ཤིང་བུ་འཐུ་བ་དང་བླ་མའི་ཞབས་ཏོག་རྣམས་ཐལ་འཆག་ཡན་ཆོད་མཛད་པས་སྒྲིབ་པ་དག་པའི་རྟགས་བྱུང༌། འབྲི་ཁུང་དུ་འགྲོ་བར་ཞུས་པས་གནང་ནས་དབུ་རུ་བྱང་ཕྱོགས་ཀྱི་བླ་མ་བཟང་ཚད་ལ་ཆོས་འབྲེལ་ཞུས། འབྲི་ཁུང་དུ་དང་པོར་ཚོགས་ཆོས་གསན་དེ་ནས་ཟབ་ཆོས་ཤིག་གསུང་བ་ལ་ཁྱོད་ཀྱི་ཁྲིད་ཚར་རམ་གསུང༌། ཚར་ཞུས་པས། འོ་ན་འདིར་སྡོད་གསུང་ནས་ཟབ་ཆོས་གནང༌། མོས་གུས་ཀྱང་ཡང་དག་པར་ཐོབ། རྭ་སྒྲེང་ཚུན་ཆད་དུ་བྱོན་ནས་སྟག་ལུང་པ་དང་མཚལ་བ་ལ་སོགས་པ་དང་མཇལ་བས་ཀྱང་ཆོས་རྗེ་རས་པ་ལ་མོས་གུས་ཆེར་སོང༌། དེ་ནས་ཆོས་རྗེའི་སྐུ་མདུན་དུ་བྱོན། ཆོས་རྗེ་རིང་པོ་མ་ལོན་པར་གཤེགས། སང་ཕོད་དེ་ཆོས་འཁོར་ཆེན་པོ་བཙུགས་པས། སློབ་དཔོན་ཉིས་བརྒྱ་དང་བདུན་ཅུ། དགེ་འདུན་བཞི་སྟོང་བརྒྱད་བརྒྱ་འཚོགས། དེ་ཚར་ནས་ནི་ལྷོ་བྲག་མཁར་ཆུ་དང༌། གངས་ཏི་སེ་དང༌། ཁ་ཆེའི་ཡུལ་དང༌། ཛ་ལན་དྷ་ར་ལ་སོགས་པར་བྱོན་ཞིང་བཞུགས་