[A:805]དུ་ཞུས། རི་ཐེབས་གཉིས་ཀྱི་བར་དུ་བཞུགས་ནས་ཕྱིར་བྱོན་ཏེ་དགོན་རིན་ཆེན་གླིང་དུ་ལོ་སྐོར་ཅིག་ཙམ་བཞུགས། དེའི་སྐབས་སུ་རྟོགས་པ་འཁྲུངས། དུས་ཕྱིས་ཁ་རག་ཏུ་རྒྱུན་རིང་དུ་བཞུགས་པས་ཁ་རག་པར་གྲགས། དེ་ནས་གདན་ས་ཐེལ་དུ་བཞུགས་ནས་གཞན་དོན་བསྐྱངས། བརྒྱད་ཅུ་གྱ་དྲུག་པ་ལྕགས་ལུག་ལ་གཤེགས།
སྙིང་རྗེ་རང་དང་མཉམ་པ་མ་བདུན་པ་མཚན་གཞན་མདོ་བོ་ཆེ་བ་ཞེས་ཀྱང་བྱའོ།
དག་སྣང་རང་དང་མཉམ་པ་ནེ་རིངས་པ་ནི། དེའི་ཡབ་མེས་རྣམས་ཤྲཱི་རིའི་ཤར་ཞོལ་དུ་བྱུང་སྟེ། སྐྱི་སྟོན་ཆོས་གྲགས་ཆུ་མིག་རིང་མོར་རྒྱ་འ་མ་ཅན་གྱི་སློབ་མ་མཛད། ལོ་བརྒྱ་དང་བཅོ་ལྔ་ཐུབ། དེའི་སྲས་སླན་ཚ་འབར་ནི། མྱང་རོར་མགོ་བྱ་ཚའི་སློབ་མ་བྱས། ལྡུམ་རའི་ལྷ་ཁང་བཞེངས། སྐུ་ཚེ་མི་རིང་བར་འདས། དེའི་སྲས་ལྷ་རྗེ་ཕན་པ་བ་རེག་སྟོན་སྐྱའི་སློབ་མ། དེ་ལ་སྲས་མིན་ཚ་མཆེད་ལྔའི་ལྔ་ཚིགས་པ་བྱ་ཚང་གི་སྒྲུབ་པ་ཞིག་པོ། སྲས་ལྔའི་ཆེ་ཤོས་དབུགས་གཙོ་བོར་སྡིངས་པའི་སྲས་ཉི་མ་རྒྱལ་མཚན། འདིས་པཎ་ཆེན་དང་ཆུང་དུས་སུ་མཇལ། དེ་ལ་སྲས་བདུན་བྱུང་ཐའི་ནེ་རིངས་པ་བདུན་ཚིགས་ཡིན། མཚན་བདེ་ལེགས་རྒྱལ་མཚན། ཤིང་མོ་བྱ་ལ་འཁྲུངས། ཉི་ཤུ་རྩ་གཉིས་པ་མེ་ཕོ་རྟ་ནས་རྒོད་ཚང་བ་ལ་གདམས་པ་གསན་ཞིང་སྒྲུབ་པ་མཛད། རྒོད་ཚང་བ་གཤེགས་པའི་ཕྱི་ལོ་ས་མོ་ལུག་ལ་ནེ་རིངས་བཏབ། དེ་ནས་ཀྱི་ལོ་ཉི་ཤུ་རྩ་གསུམ་པ་རང་