[A:838]
མཚལ་གུང་ཐང་པའི་བླ་རབས་ཀྱི་སྐབས།
ཞང་རིན་པོ་ཆེའི་གདན་ས་པ་མཉམ་མེད་ཤཱཀྱ་ཡེ་ཤེས་ནི། མེ་མོ་ཡོས་ལོ་བ་ཞེ་བརྒྱད་པ་ཤིང་སྟག་ལ་གདན་སར་བསྐོས། དྲུག་ཅུ་རེ་གཅིག་ལ་སྐུ་གཤེགས། དེའི་ཕྱི་ལོ་ས་ཕོ་འབྲུག་ལ་སློབ་དཔོན་བྱང་ཡེས་གདན་སར་བསྐོས། དེ་ནས་ལོ་ངོ་གསུམ་པ་ལྕགས་ཕོ་རྟ་ལ་ལྷ་ཕྱུག་མཁར་བ་ལ་གདན་ས་གཏད། དེ་ནས་ཀྱི་ལོ་ལྔ་པ་ཤིང་ཕོ་ཁྱི་ལ་སངས་རྒྱས་འབུམ་པ་གདན་སར་བསྐོས། དེ་ནས་ལོ་བཅོ་བརྒྱད་སོང་བ་ལྕགས་མོ་ཡོས་ལ་སྒོམ་པ་ཡེ་ཤེས་ལྡན་གྱིས་སངས་འབུམ་སྒོར་བཏོན། སངས་རྒྱས་སྙིང་པོ་གདན་སར་བསྐོས། ཁོང་དེ་ནས་ལོ་ངོ་བདུན་པ་མེ་བྱ་ལ་གཤེགས། དེའི་ཕྱི་ལོ་ས་ཕོ་ཁྱི་ལ་རིན་པོ་ཆེ་སངས་རྒྱས་གཞོན་ནུ་གདན་སར་བཏོན། ཁོང་གིས་གདན་སར་ལོ་ལྔ་ལོན་པ་ཆུ་སྟག་ལ་གདན་ས་སངས་རྒྱས་འབུམ་མེ་འཁོར་དུ་བཅུག་ནས་སྒོམ་སྡེ་བཏབ། སངས་གཞོན་པ་གདན་ས་ལོ་ཉི་ཤུ་རྩ་གསུམ་པ་ལྕགས་སྤྲེ་ལ་གཤེགས། རིན་པོ་ཆེ་གསེར་ཁང་སྟེངས་པ་ཀུན་དགའ་རྒྱལ་མཚན་ཆུ་མོ་ལུག་ལ་འཁྲུངས་ནས་སོ་བརྒྱད་བཞེས་པ་ཅིག་དེ་ལོ་རང་གདན་སར་བསྐོས། གདན་ས་ལོ་སུམ་ཅུ་སོ་གསུམ་མཛད། དགུང་ལོ་བདུན་ཅུ་བཞེས་པ་ཆུ་འབྲུག་ལ་གཤེགས། རིན་པོ་ཆེ་སངས་རིན་པ་མེ་མོ་ལུག་ལོ་པས་ཞེ་དྲུག་བཞེས་པ་ཅིག་གདན་སར་བསྐོས། ང་ལྔ་པ་ལྕགས་གླང་ལ་