[A:916]ཅིག་ལ་བུ་ལུགས་ཕལ་ཆེར་གསན། སྐུའི་སྐྱེ་བ་སྔ་མ་ལ་སྣར་ཐང་གི་དགེ་བའི་བཤེས་གཉེན་དུས་འཁོར་ལ་མཁས་པ་ཞིག་ཏུ་གྱུར་པར་མཁན་ཆེན་ལས་ཀྱི་རྡོ་རྗེས་ལུང་བསྟན། མནལ་ལམ་དུ་སྐས་རིང་པོ་ཞིག་ལ་འཛེགས་ཏེ་མཆོད་རྟེན་གྱི་བུམ་པའི་ནང་དུ་བྱོན་པ་ན། དུས་ཀྱི་འཁོར་ལོའི་དཀྱིལ་འཁོར་ཤིན་ཏུ་བཀྲ་བ་ཅིག་གི་མཐའ་ན་ཆོས་རྗེ་ཀུན་མཁྱེན་ཆེན་པོ་བཞུགས་པ་དང་མཇལ། དེས་བྱིན་གྱིས་བརླབས་པའི་སྣང་བ་བྱུང་བས་ཆོས་མང་པོ་ལ་ངེས་པ་རྙེད་གསུང་སྟེ། བརྒྱད་ཅུ་པ་ས་ཕོ་འབྲུག་ལ་བདེ་བ་ཅན་དུ་གཤེགས་སོ། ཡང་ཇེ་རྫིང་ཚོགས་པའི་མཁན་པོ་མཚན་རིན་ཆེན་ཚུལ་ཁྲིམས་ཤེས་བྱ་བས་ཆོས་རྗེ་ཀུན་མཁྱེན་ཆེན་པོ་ལས་དུས་ཀྱི་འཁོར་ལོའི་སྐོར་མན་ངག་དང་བཅས་པ་ཐོབ་ནས་བསྒོམ་པས་ཡེ་ཤེས་ཆེན་པོ་ཉམས་སུ་མྱོང་སྟེ། དེའི་སློབ་མ་ཞོ་ལུང་མཚོ་ཁ་བས་ཡན་ལག་དྲུག་གི་མན་ངག་གིས་འགྲོ་བ་མང་པོ་ལ་ཕན་བཏགས་ལ། རིན་ཆེན་ཚུལ་ཁྲིམས་པའི་སློབ་མ་ཆོས་རྗེ་བསོད་ནམས་རྒྱལ་མཚན་ཞེས་བྱ་བ་ཡན་ལག་དྲུག་གི་ཉམས་མྱོང་ཕུན་སུམ་ཚོགས་པ་དང་ལྡན་པ་དེས་ཀྱང་སློབ་མ་མང་དུ་ཁྲིད་དོ། །ཡང་ཀུན་མཁྱེན་ཆེན་པོའི་སློབ་མ་སྨན་ཆུ་ཁ་བ་ཞེས་གྲགས་པ་འཇམ་དབྱངས་བློ་གྲོས་རྒྱལ་མཚན་གྱིས་ཀྱང་དབང་རྒྱུད་བཤད་མན་ངག་གིས་གདུལ་བྱ་མང་དུ་བསྐྱངས། དེའི་སློབ་མ་ཆོས་རྗེ་སྨི་རི་བས་ཀྱང་སྨི་རི་དགོན་པ་བཏབ། གདུལ་བྱ་མང་པོ་བསྒོམ་པ་ལ་སྦྱར། ལོ་མཚམས་པ་ཡང་བརྒྱད་ཅུ་ཙམ་རེ་བྱུང༌། ད་ལྟ་ཡང་དེའི་ཚུལ་ལས་མ་ཉམས་པར་ཡོད་དོ། ཡང་བྱང་སེམས་རྒྱལ་ཡེའི་སློབ་མ་དར་ཡུལ་