[A:200]bar sngar bshad pa ltar na/ bai ro tsa na las brgyud pa'i bshad pa yang khams kyi yul du byung bar shes par bya'o/ /de dag ni sgyu 'phrul gtso bor gyur pa'i skabs so/
'dus pa mdo'i brgyud lugs kyi skabs/
de la 'dus pa mdo zhes grags pa la/ rtsa ba'i rgyud kun 'dus rig pa'i mdo dang / bshad pa'i rgyud mdo dgongs pa 'dus pa gnyis yod de/ bu rin po che'i rgyud sde spyi'i rnam gzhag tu/ /mdo sde gdams ngag 'bogs pa'i rgyal po las/ /'dren pa'i theg pa gsum po dag /bcom ldan nges par gsung lags na/ /rgyu 'bras lhun grub tu spyod cing / /sangs rgyas gzhan nas mi tshol ba'i/ /nges pa'i theg pa cis ma gsungs/ /zhes zhus pa dang / rgyu la mos pa rgyu chos kyi/ /'khor lo rab tu bskor byas na/ /rdo rje theg pa'i nye lam zhig /ma 'ongs dus na 'byung bar 'gyur/ zhes drangs pa de yang / mdo dgongs pa 'dus pa'i mdo nyid na/ 'dren pa'i theg pa rnam gsum la/ /gang dag rim par bkod lags na/ /mnyam pas blang dor med spyod cing / /byang chub gzhan nas mi tshol ba'i/ /thabs mchog dpag gis mi lang ba'i/ /nges pa'i theg pa yod ma gsungs/ /zhes 'byung ba de yin par snang ste/
/mdo 'di'i brgyud pa'i rim pa ni/ rje sgro sbug pas