[A:200]བར་སྔར་བཤད་པ་ལྟར་ན། བཻ་རོ་ཙ་ན་ལས་བརྒྱུད་པའི་བཤད་པ་ཡང་ཁམས་ཀྱི་ཡུལ་དུ་བྱུང་བར་ཤེས་པར་བྱའོ། །དེ་དག་ནི་སྒྱུ་འཕྲུལ་གཙོ་བོར་གྱུར་པའི་སྐབས་སོ།
འདུས་པ་མདོའི་བརྒྱུད་ལུགས་ཀྱི་སྐབས།
དེ་ལ་འདུས་པ་མདོ་ཞེས་གྲགས་པ་ལ། རྩ་བའི་རྒྱུད་ཀུན་འདུས་རིག་པའི་མདོ་དང༌། བཤད་པའི་རྒྱུད་མདོ་དགོངས་པ་འདུས་པ་གཉིས་ཡོད་དེ། བུ་རིན་པོ་ཆེའི་རྒྱུད་སྡེ་སྤྱིའི་རྣམ་གཞག་ཏུ། །མདོ་སྡེ་གདམས་ངག་འབོགས་པའི་རྒྱལ་པོ་ལས། །འདྲེན་པའི་ཐེག་པ་གསུམ་པོ་དག །བཅོམ་ལྡན་ངེས་པར་གསུང་ལགས་ན། །རྒྱུ་འབྲས་ལྷུན་གྲུབ་ཏུ་སྤྱོད་ཅིང༌། །སངས་རྒྱས་གཞན་ནས་མི་ཚོལ་བའི། །ངེས་པའི་ཐེག་པ་ཅིས་མ་གསུངས། །ཞེས་ཞུས་པ་དང༌། རྒྱུ་ལ་མོས་པ་རྒྱུ་ཆོས་ཀྱི། །འཁོར་ལོ་རབ་ཏུ་བསྐོར་བྱས་ན། །རྡོ་རྗེ་ཐེག་པའི་ཉེ་ལམ་ཞིག །མ་འོངས་དུས་ན་འབྱུང་བར་འགྱུར། ཞེས་དྲངས་པ་དེ་ཡང༌། མདོ་དགོངས་པ་འདུས་པའི་མདོ་ཉིད་ན། འདྲེན་པའི་ཐེག་པ་རྣམ་གསུམ་ལ། །གང་དག་རིམ་པར་བཀོད་ལགས་ན། །མཉམ་པས་བླང་དོར་མེད་སྤྱོད་ཅིང༌། །བྱང་ཆུབ་གཞན་ནས་མི་ཚོལ་བའི། །ཐབས་མཆོག་དཔག་གིས་མི་ལང་བའི། །ངེས་པའི་ཐེག་པ་ཡོད་མ་གསུངས། །ཞེས་འབྱུང་བ་དེ་ཡིན་པར་སྣང་སྟེ།
།མདོ་འདིའི་བརྒྱུད་པའི་རིམ་པ་ནི། རྗེ་སྒྲོ་སྦུག་པས་