[A:69]ba rnams spobs pa skyes te/ 'di chos byas pas lan/ a tsa ra 'di slar gtang dgos zer bas/ btsan pos mkhan po'i spyan sngar gser mang po phul/ lo rgyus bsnyad pas/ mkhan po'i zhal nas/ kho bo bal por 'gro/ bod kyi mi ma yin rnams ma dga' ba yin/ padma sam bha wa zhes bya ba dzambu'i gling na che ba'i rigs sngags mkhan zhig yod/ de ngas kyang spyan 'dren du gtong / rgyal po rang gis kyang spyan 'dren pa thong zhig gsungs nas/ mkhan po bal por phebs pa na/ slob dpon padma yang de na phebs 'dug /de rgyal po'i spyan 'dren pas spyan drangs nas 'ongs pa na/ thog mar bstan ma bcu gnyis pos slob dpon la mtho brtsams pas/ de dag zil gyis mnan/ dbang bskur nas dam pa'i chos kyi srung mar bskos/ de nas rim gyis byang lam la phebs/ thang lha la sogs pa dam la btags nas/ bsam yas su phebs te rgyal po yid ches par bya ba'i phyir/ byis pa la rgyal chen ris bzhi po'i lha zhig phab pas/ de na re/ dmar po ri la thang lhas thog brgyab/ sham bus 'phang thang chu la bskur/ zhes bya ba la sogs pa 'dis 'di byas thams cad rgyas par smras/ de thams cad slob dpon gyis dam la btags/ de nas bsam yas kyi gtsug lag khang chen po'i rmang bting / mkhan po slar yang spyan drangs/ jo bo yang mang yul nas spyan drangs nas 'phrul snang du bzhugs su bcug yos nas lug gi bar gtsug lag khang gling phran