[A:797]su sa mo bya la sku bltams/ gling ras gshegs pa'i phyi lo yin/ gcen po gnyis snga bar grongs pas sre'u gso ba'i slob dpon zug ston bya ba la gtad/ mtshan mgon po dpal du btags/ sku na phra ba nas sku mdzes pas kun gyi yid du 'ong / gsung snyan pas glu la mkhas/ thugs 'grogs bde bas gzhon pa'i dus bro pa'i ba shi mdzad/ ba shi don grub seng ger grags/ skabs der slob dpon wa zhwa la lam rim/ slob dpon stod la dbu ma/ slob dpon yu pi ba la spyod 'jug slob dpon zhang la 'grel chung gsan te/ phal cher tshar res mkhyen pa byung / lha sa lan gsum skor du byon nas chos 'ong ba'i smon lam kho na btab/ yul na chang 'thung byed pa cig gi tshe gtsang nas glu mkhan bzhi byung nas de rnams kyis/ dgon par lung gi chos rje rgya ras la/ tshe 'di phyi gnyis kyi bde legs yod/ nged rang grogs tshan zung cig de ru gshegs sam/ snying nas rang du chos la gshegs/ bya ba'i glu gsan pas/ mtshan thos pa tsam gyis de las che rgyu med pa'i mos gus shig skyes/ yab la zhus pas kyang gnang nas zong dum cig kyang thogs te/ chos rje'i slob ma zug sgom zer ba cig la lam gyi 'dren pa zhus nas ra lung du rtol/ tshogs chos gsung ba dang mjal de rang du rab tu byung mtshan mgon po rdo rjer btags/ mjal res kyis chos rje zhal 'dzum 'ong zhing thugs la btags/ der gtor dbang cig gnang nas khrid zhag nyi shu rtsa gcig tu bskyangs/ ma bde ba 'ga' re byung ba'ang khad kyis