[A:817]bsod nams grags/ de'i sras rgyus nag bde gshegs/ de'i sras rgyal tsha bsod nams 'phags/ de'i sras dbon jo 'phan dang btsun mo dug ge me la sra sa bzhi dang lcam gsum byung ba'i grub chen pa ni chung lhag yin/ lcags pho stag gi lo la sku 'khrungs/ mtshan seng ge dpal du gsol/ byis pa'i dus nas ting nge 'dzin rang 'khrungs su byung bas/ dgongs pa la dang por thos pa byas/ de nas sgom pa bya ste da lta'i sems 'di dang khyad ci 'dug lta dgos dgongs pa byung / yab kyis btsun mo gcig len zer bas khu bo'i drung du byon/ nga chos rang byed 'dod pa yin te/ phas chung ma len zer byas nas mang du bshums pas/ khu bos dbugs phyung / der lo bdun nas bcu drug gi bar du/ ma phur/ bde dgyes/ phyag rdor/ yo ga la sogs pa'i rgyud 'grel sgrub thabs phyag len dang bcas pa gsan zhing mkhas par bslabs/ de nas dgung lo bcu drug pa la bo dong or byon/ chos rje rin chen rtse mo la mngon pa gong 'og tshad ma rnam nges/ shes rab 'grel chung gsan zhing / 'chad rtsos rtsom gsum la 'gran zla med pa'i grags pa thob/ de nas chos rje rgod tshang pa bde chen stengs nas spyang lung du 'byon pa'i lam go lung phu ru gdan phebs pa la/ chos rje rgod tshang pas de ring las can zhig dang phrad 'ong gsung ba'i lung bstan mdzad pa bzhin/ mjal ma thag tshad las 'das pa'i dad pa skyes/ sbud trar phebs dus zangs shig dang bur ltang cig la phyag rten byas/