[A:829]dang kun ldan gyis mkhan slob mdzad nas dge tshul mdzad/ mtshan tshul khrims shes rab tu btags/ lo bcu gcig pa la dge bshes gtsang gi sar rnam nges gsan du byon/ /bcu gnyis pa la sa skyar rtse mo gshegs pa'i chos 'khor la byon/ chos 'khor de la zhu ston hral mo yang byon/ 'jad pa gzhon byang yang byon/ de nas lo bcu drug lon gyi bar du gtsang dkar la gsan pa mang du mdzad/ chos 'khor byung ba rnams su rtsod pas kyang gzhan pham par byas/ slob dpon gtsang dkar ba la 'bul ba zhabs tog kyang cher bsgrubs/ bcu bdun la snur pa'i thugs sras rtse ston kun bzangs lo brgyad cu rtsa brgyad lon pa cig khro phur spyan drangs nas rdor dbyings la sogs pa'i dkyil 'khor lnga brgya lhag cig gi lag len kyang bslabs/ phyis 'byon khar bya rgod gshongs kyi rnam sras des rtse ston kun bzang la rmi lam du nga jo sras 'di la phog bya ba byung bas rnam sras kyi rjes gnang yang gsan/ lo bcu dgu pa la 'bring mtshams zhang gi dbon po zhang dge ba zer ba'i lo tsA mkhas pa cig yod pa de la lo tsA ba bslabs pas phul du byung bar mkhyen/ lo de la rin po che rgyal tshas mkhan po dang / slob dpon gtsang dkar gyis las slob/ kun ldan ras pas gsang ste ba mdzad nas bsnyen par rdzogs/ de nas gtsang nag la 'dul ba slob pa'i phyir lo ril po gnyis su bsten nas mkhas par bslabs/ lo nyer gcig pa la kun ldan la lo ro ras pa'i thabs lam dang thun 'jog la sogs