[A:842]khyed la gter chos zab mos yod 'dug pa de nga zhu ba yin zer/ de 'dra su zer byas pas/ khwa ta cig zer ba yin zer/ kho dge sbyor bzang po yod pas gzhan rnams ma byin par ro gcig yan chad kyi bogs 'don byin pas rtogs pa khyad par can rgyud la skyes/ de nas ras pa brgyad brgya la'ang khrid btab/ phyis lho gnyal la sogs pa'i yul mang por 'gro ba'i don mdzad/ mthar grang mo'i rdza chu dar mor yun ring du bzhugs so/ /de la slob ma ni shin tu mang mod kyi/ gdams ngag gi brgyud pa 'dzin pa ni/ bla ma 'khrul zhig sna'u ba/ tsa ri ras pa/ bye ma ras pa/ dom tshang ras pa/ sgrod lung pa/ stag tshang ras pa sogs te/ de rnams las sna'u bya bral ba ni/ 'khrungs yul zur mkhar/ za lung du rab tu byung / mtshan rdo rje mdzes su gsol/ 'gro mgon dung mtsho ba dang kA la dung mtshor mjal nas shog dril rnams tshang bar gsungs/ bla ma'i zhabs tog kyang legs par mdzad/ sna'u gangs rir thugs dam mdzad pas snam du bya bral bar grags/ gzhan yang ri khrod mang por bzhugs/ phyag rgya chen po'i dngos grub brnyes/ sku 'das dus ring bsrel dpag tu med pa byon/ des bla ma chen po rin chen gzhon nu rjes su gzung ba yin te/ gdung rus mkha' re/ 'phyos kha sgang gi 'brog tu tshe bzhi rnying ma ba'i zhe gcig pa chu mo bya la 'khrungs/ tshes bzhi rnying ma ba'i zhabs la gtugs nas dgung lo dgu la rab tu byung / /chos khrid kyang rdzogs par gsan/