[A:845]la'ang chos mang du zhus/ mtshal du mkhan pos bka' nan mdzad pas mkhar dgon gyi gdan sar bzhugs pa'i tshe/ nub gcig rmang lam du shin tu mdzes pa'i bud med lnga byung / 'dir shog zer te gtsug lag khang chen po cig tu khrid/ sgo phye ba'i nang shin tu yangs pa na chos rtsig mang po 'dug sgo gsar pa skya khrig ge ba'ang mang po 'dug pas/ re re nas phyes pas de rnams kyang po ti du mas khengs 'dug sde mig gi phon chen po cig khong la gtad nas/ 'di rnams kyi gnyer gyis dang / bstan pa'i zhabs tog che ba yin zer ba rmis/ sang nang bar bla ma sna'u pas 'brong phur lo dgu ri mi 'babs mdzad bzhugs pa nas byon te mjal/ chos kyi gsung gleng mang po mdzad pas mos te/ phar la yang phyag rgya chen po ga 'u ma sogs phul/ tshur yang sems khrid skor rnams gnang nas khong gi rmang lam du yang bud med cig gis bskul nas byon pa yin/ chos bdag po la 'phrod/ nga'i skye ba'ang don can du song gsung nas dgyes par mdzad/ rin po che chos dbyings pa la'ang snang srid thams cad bre kha bcad pa bzhin chos nyid mnyam pa nyid dbyings rig 'du 'bral med pa'i ngang nas/ 'khor 'das rgyu 'bras thams cad kyi mig phyed 'gag khrol/ phu thag chod/ rmang thon/ mthil khogs pa 'di khong gi bka' drin yin gsung / 'khrul zhig pa'i zhal brda la brten nas yig cha'ang ma lus pa mdzad/ spyir bla ma brgya rtsa brgyad bsten/ rgyal sras dri med pa'i spyan sngar yang chos zhus/