[A:852]brag pa zhes kyang grags/ 'di la ni sgrub pa po dang mkhas pa'i mchog thams cad kyis kyang zhabs la gtugs/ chos la'ang 'di mi mkhyen bya ba med/ bal po nas bi btu ding rir spyan drangs/ khong la sha ba ri dbang phyug gis gnang ba'i sbyor ba yan lag drug gi gdams ngag gsan/ paNDi tas kyang tshur chos zhus/ 'gro ba'i don rgyun mi 'chad pa dang rgya che ba gnyis mdzad nas brgyad cu pa lcags mo bya'i lo la zhi bar gshegs/ skyes bu chen po de ni bka' brgyud 'di'i khongs su gtogs so zhes bya bar kho bos ma shes pas logs su bris so/ /de'i slob ma che ba ni/ dpal yang dgon pa/ de'i gcen po rin po che rgyal mtshan pa/ rin po che lha ba/ rin po che rgyal po/ rin po che bar 'brog pa/ rin po che chos sdings pa/ bran ston sher seng / rin po che dga' ldan pa/ rin po che gtsang so ba/ rin po che ston grub pa/ rtogs ldan dkon seng la sogs pa mang po dang / jo bo lha/ mchims nam mkha' grags/ mkhan chen lde rus pa/ khu lung pa/ lo zhing pa/ grags byang ba/ 'ol rgod pa/ phu ri ba ston lo che/ glang ri ba la sogs bstan pa'i bdag po mang po dang / dpyal ba lo tsA/ khro phu lo tsA/ chag lo tsA/ nam mkha' dpal lo tsA/ ras pa lo tsA/ gnyal ba lo tsA la sogs lo tsA ba mang po dang / dge bshes gtsang ba/ dge bshes nyi ma/ 'jam dbyangs gsar ma/ rgyang ro gzhon rin/ mnga' ris dgra bcom/