[A:851]
dum bu dgu pa/ ko brag pa dang / ni gu'i skabs/
ko brag pa slob ma dang bcas pa'i skabs/
ko brag pa bsod nams rgyal mtshan zhes yongs su grags pa de/ yul ding ri/ gdung ni ldong / yab gtso bo rgyal g.yung / yum stod mo rje ma gnyis kyi sras su chu pho stag gi lo la sku bltams/ chos rje sa skya paNDi ta dang 'khrungs lo gcig bris klog rtsol med du mkhyen/ se mig pa la dge bsnyen mdzad/ paN chen shAkya shrI la blo sbyong sogs gsan/ gyam du bla ma rdo rje dpal ba la rig 'dzin bcu/ rdzogs chen dmar khrid la sogs chos mang du gsan/ rgya phug jo sras la'ang rdzogs chen la sogs gsan/ gyang rim dang kong mo'i ri la mtshams mdzad pas phyag rgya chen pos rtogs pa 'khrungs/ paN chen ratna rakShi ta la bde mchog gi dbang gsan/ de nas la phyii sogs su bzhugs/ chos rje skos la mkhan po/ phya ru 'dul 'dzin la slob dpon/ slob dpon lo la gsang ston zhus nas dgung lo nyi shu rtsa dgu la dge slong chig rdzogs mdzad/ mtshan bsod nams rgyal mtshan du gsol/ de nas ti ser byon lo lnga bzhugs/ ji lta ba dang ji snyed pa'i mngon sum gyi ye shes brnyes/ khyad par rdo rje lus kyi gnas lugs ji lta ba bzhin du gzigs/ ma pham gyi klus chu'i dngos grub phul/ phyis myang stod ko brag gi dgon pa btab pas sa skam po la chu mig brdol/ ko