[A:878]slob ma skyong zhing yod pa'i tshe sa skya pa'i nang 'khrug langs pas thugs skyo ste/ bla ma brgyad cu rtsa gsum bsten nas gdams ngag zab dgu la nyams khrid du bskyangs/ khyad par du sangs rgyas ston pa'i mtshan gsan pas dpe med pa'i dad pa 'khrungs te spyan sngar byon nas shangs pa bka' brgyud kyi gdams ngag ma lus pa dang gzhan yang zab chos mang du bzhugs pa gsan/ nyams su myong ba la'ang bla ma shin tu dgyes/ tshe 'di la zhen pa log pa'i skyo shas drag po yod pa la bla mas gzhan don gyis shig pa'i bka' nan lan bzhi gnang / dbus gtsang gis cha mang por lus srog blos btang ba'i gcod mdzad nas lha 'dre mang po'i don mdzad/ phyis myang smad du bsam sdings btab nas/ lam 'bras/ phyag chen/ ni gu rnams la chos kyi gtso bo mdzad nas gdul bya mang po la khrid bskyangs/ snyan grags kyi 'ur langs pas 'khor yang mang du 'dus/ sbyin bdag gi gtso bo zha lu sku zhang pas mdzad/ mthar gshegs 'dab kyi bkod pa tshun chad kyi zhal brda mdzad nas/ sa mo lug gi dbyar zla ra ba la zhi bar gshegs tshul bstan/ sa mo lug 'di rin po ches phar phyin gyi TI ka brtsams pa'i lo de yin no/ /mkhas grub chos rje'i slob ma gser gling pa bkra shis dpal ni/ 'khrungs yul yol phu gser gling / yab rje btsun mtshan can/ yum dkon mchog rgyan gnyis kyi sras su chu pho 'brug la 'khrungs/ lo drug bdun nas klog tshar bar bslabs/ nel pa paN chen las bsnyen par