[A:927]gzhon nu'i dus nas 'bri klog la sogs 'byongs nas dus 'khor la slob gnyer mdzad de/ dgung lo bcu drug la dus 'khor gsungs/ nyi shu la thar bar byon nas dpyal pa'i chos rnams zhus/ nyi shu rtsa gnyis pa la stag sde sang rgyal gyi drung du byon te/ lo lnga'i bar du phar tshad la sbyangs/ khyad par du tshad ma la mkhas par gyur te dbus gtsang du grwa skor yang mdzad/ sum cu pa la bla ma chos rgyal 'phags pa dang mkhan po mchims kyi drung du rab tu byung ste bsnyen par rdzogs nas chos mang du gsan/ lo tsA ba grags pa rgyal mtshan spyan drangs nas rdo rje phreng ba'i dbang / 'jam dpal rtsa rgyud la sogs pa'i rgyud dang sman dpyad yan lag brgyad pa sogs gsan/ dben dmar gyi gdan sa gzung nas bshad pa yun ring du mdzad/ gzhan yang thar pa/ khro phu/ bsam yas/ stag lung / gzhu kun dga' ra ba/ shangs rtse gdong / chu mig ston mo lung / g.yus dga' ldan la sogs dgon pa sna tshogs pa rnams su chos mang po gsungs/ dgung lo bzhi bcu rtsa gcig pa la dben dmar gyi gdan sa bla ma rdo rje rgyal mtshan pa la gtad nas dmu ru phyags phab/ shambhar btab nas gtsug lag khang bzhengs/ rgyud 'bum dang 'dul ba lung bzhengs te sems can mang po'i don mdzad/ mthar chos rje bsod nams rgyal mtshan 'khrungs ma thag pa la dbang bskur mdzad nas nyid kyi drug cu rtsa lnga pa shing mo yos la gshegs/ slob ma yang ti shrI kun blo la sogs sa skya pa'i gdung brgyud