R914: དཔལ་ས་སྐྱ་པ་ཆེན་པོ་སྔགས་འཆང་ངག་དབང་ཀུན་དགའ་ཐེག་ཆེན་དཔལ་འབར་འཕྲིན་ལས་བསམ་འཕེལ་དབང་གི་རྒྱལ་པོའི་ཐོབ་ཡིག་རིན་ཆེན་ནོར་བུའི་ཕྲེང་བ། པོད་གཉིས་པ།

« Title Page

Pagination (Witness A): ༥༡བ

Last Page »

[A:༥༡བ]སྦྲགས་མ་ནི་གོང་མའི་གསུང་ལྟར་བློ་གཏེར་ཞབས་ཀྱིས་བསྡེབས་པ་དེ་ལས་བརྒྱུད་པའོ།། །། ༈ གསུང་ངག་རིན་པོ་ཆེའི་གཞུང་བཤད་སྐོར་ལ་ན་བཟའི་མཚན་གྱིས་པུསྟི་དམར་ཆུང་ངམ། པོད་དམར་དུ་གྲགས་པ་རྒྱལ་ཚབ་དམ་པ་ཀུན་དགའ་དབང་ཕྱུག་གིས་བསྒྲིགས་པའི་དཀར་ཆག་ལྟར་རིང་བརྒྱུད་དང་། ཉེ་བརྒྱུད། ཞར་བྱུང་ཁ་སྐོང་དང་བཅས་པ་ལས། དང་པོ་རིང་བརྒྱུད་ལ། རྗེ་བཙུན་གྲགས་པས་མཛད་པའི་བརྒྱུད་འདེབས་བླ་མ་རྡོར་འཛིན་མ། དེའི་ཞལ་སྐོང་ཤར་ཆེན་གྱིས་མཛད་པ། ཡང་སྐོང་ངོར་ཆེན་གྱིས་མཛད་པ། ས་བིར་མཇལ་བའི་ལོ་རྒྱུས་སྒ་ཐེང་ལ་བསྐུར་བ། གཞུང་ཇི་ལྟ་བར་དཀྲི་བའི་ཁྲིད་ཡིག་ཚིགས་བཅད་མ་བྲ་སྟོན་ཞུས་ལན་གྲགས་པའི་གསུང་། སངས་རྒྱས་སྤྱན་གྱི་བསྒོམ་བཟླས་རྗེ་བཙུན་ས་སྐྱ་པའི་གསུང་། དེས་མཛད་པའི་ཨཥྚཱའི་བཟླས་ལུང་།

ཨཥྚཱའི་བཟླས་ལུང་བླ་མའི་ཕྱག་ལེན་བཞིན་རྒྱལ་ཚབ་དམ་པས་བྲིས་ཟེར་བའང་ཡོད།

ཨཥྚཱི་གཞི་བཤད་ས་པཎ་གསུང་། བདུད་རྩི་རིལ་བུའི་སྒྲུབ་ཐབས་བདུད་རྩི་འབྱུང་བ་ཆོས་འཕགས་གསུང་། དབང་གི་རབ་དབྱེ་ཞང་བཙུན་གྱིས་བྲིས་པ། རྗེ་བཙུན་གྱིས་དགའ་སྟོན་རྡོ་རྗེ་གྲགས་ལ་གདམས་པ། ཕྱི་ནང་གསང་བའི་