[A:༧༤བ]གོང་གི་བཤད་མ་ཐག་ལྟར་རོ། །
འཇམ་པའི་དབྱངས་དངོས་རྗེ་ས་སྐྱ་པཎྜི་ཏ་ཆེན་པོ་ཀུན་དགའ་རྒྱལ་མཚན་དཔལ་བཟང་པོས་མཛད་པའི་ལམ་ཟབ་ཁྲིད་ཀྱི་བརྒྱུད་པ་ནི། མཛད་པ་པོ་ནས་ངོར་ཆེན་བར་པོད་སེར་ལྟར་ལ། དེ་ཕྱིན་པོད་དམར་ལྟར་རོ། །
ངོར་ཆེན་རྡོ་རྗེ་འཆང་ཀུན་དགའ་བཟང་པོས་མཛད་པའི་ལམ་ཟབ་ནང་མ་དང་། བིར་སྲུང་སྐོར་ལེའུ་ཚན་དྲུག་གི་བརྒྱུད་པ་ནི། མཛད་པ་པོ་ནས་བཟུང་པོད་དམར་ཇི་ལྟ་བ་བཞིན་ནོ། །
ཚར་ཆེན་རིན་པོ་ཆེ་བློ་གསལ་རྒྱ་མཚོས་མཛད་པའི་བླ་མ་རིན་འབྱུང་གི་སྒྲུབ་ཐབས་ལ་ལུང་རྒྱུན་བཞུགས་ཚོད་ཀྱང་བརྒྱུད་པ་དམིགས་བསལ་བྲིས་པ་མི་སྣང་བས་སླར་འབྱོར་ན་འབྲི་དགོས་སོ། །
སློབ་བཤད་ལུགས་ཀྱི་སློབ་མ་རྗེས་འཛིན་བྱ་ཚུལ་དབུར། སློབ་མ་རྗེས་འཛིན་གྱི་སྔོན་དུ་ལམ་དུས་མངོན་རྟོགས་བཟླས་པ་ཡན་གྲུབ་ན་ལེགས་ཞེས་པས་ཐོག་དྲངས། དེ་དང་འབྲེལ་བར་སངས་རྒྱས་སྤྱན་མའི་བསྒོམ་བཟླས་ཀྱི་མཇུག་ཏུ། རྒྱུན་དུ་བྱས་ན་ལེགས་གསུང་ངོའི་མཐའ་ཅན་དང་། ཡང་། གསུང་ངག་རིན་པོ་ཆེའི་སྐབས་ཀྱི་སློབ་མ་རྗེས་འཛིན་མཛད་ཚུལ་