[A:74b]gong gi bshad ma thag ltar ro/ /
'jam pa'i dbyangs dngos rje sa skya paNDi ta chen po kun dga' rgyal mtshan dpal bzang pos mdzad pa'i lam zab khrid kyi brgyud pa ni/ mdzad pa po nas ngor chen bar pod ser ltar la/ de phyin pod dmar ltar ro/ /
ngor chen rdo rje 'chang kun dga' bzang pos mdzad pa'i lam zab nang ma dang / bir srung skor le'u tshan drug gi brgyud pa ni/ mdzad pa po nas bzung pod dmar ji lta ba bzhin no/ /
tshar chen rin po che blo gsal rgya mtshos mdzad pa'i bla ma rin 'byung gi sgrub thabs la lung rgyun bzhugs tshod kyang brgyud pa dmigs bsal bris pa mi snang bas slar 'byor na 'bri dgos so/ /
slob bshad lugs kyi slob ma rjes 'dzin bya tshul dbur/ slob ma rjes 'dzin gyi sngon du lam dus mngon rtogs bzlas pa yan grub na legs zhes pas thog drangs/ de dang 'brel bar sangs rgyas spyan ma'i bsgom bzlas kyi mjug tu/ rgyun du byas na legs gsung ngo'i mtha' can dang / yang / gsung ngag rin po che'i skabs kyi slob ma rjes 'dzin mdzad tshul