[A:༨༨ན]ཕྱི་མ་ལའང་། གཞི་ཆོས་ཅན་འཁོར་བའི་གནད། ལམ་ཇི་ལྟར་བསྒོམ་པའི་གནད། འབྲས་བུ་མཐར་ཐུག་སངས་རྒྱས་སའི་གནད་ཀྱི་སྐོར་རྣམས་དང་། མཐར་བསམ་གྱིས་མི་ཁྱབ་ཐུན་མོང་མ་ཡིན་པ་སོགས་ལེགས་པར་ཐོབ་པའི་བརྒྱུད་པ་ནི། གོང་སྔགས་འཆང་སངས་རྒྱས་རིན་ཆེན་བཞུགས་པའི་བྱིན་རླབས་ཀྱི་བརྒྱུད་པ་ཇི་ལྟ་བ་བཞིན་ནོ། །
ཡང་གོང་གསལ་བསྟན་སྲུང་ཀུན་གྱི་གཙོ་བོ་དཔལ་རྡོ་རྗེ་ནག་པོ་ཆེན་པོ་གུར་གྱི་མགོན་པོ་ཁྲོ་བོ་བཅུའི་རྗེས་གནང་ཟབ་མོ་ངག་དབང་ཆོས་གྲགས་ཀྱི་ཡིག་སྟེང་ནས་ལེགས་པར་ཐོབ་པའི་བརྒྱུད་པ་ནི། སངས་རྒྱས་རྡོ་རྗེ་འཆང་ཆེན། སློབ་དཔོན་བྲམ་ཟེ་མཆོག་སྲེད། པཎ་ཆེན་བདེ་བའི་རྡོ་རྗེ། ཤྲདྡྷ་ཀཱ་ར་ཝརྨ། ལོ་ཆེན་རིན་ཆེན་བཟང་པོ། བྲག་སྟེང་པ་ཡོན་ཏན་ཚུལ་ཁྲིམས། མལ་ལོ་བློ་གྲོས་གྲགས་པ། བརྩེ་ཆེན་ཀུན་དགའ་སྙིང་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ཆོས་རྗེ་ས་སྐྱ་པཎྜི་ཏ། འགྲོ་མགོན་ཆོས་རྒྱལ་འཕགས་པ། མཐུ་ཆེན་ཨ་གཉན་དམ་པ། བླ་མ་བདག་