[A:༩༦ན]བསྟན་པ་རྒྱས་པའི་ཉི་འོད། རྒྱུད་གསུམ་གནོད་འཇོམས་རྩ་འགྲེལ། ལུས་དཀྱིལ་རྩོད་སྤོང་། ཚོགས་འཁོར། གཏོར་ཆོག་འགྲེལ་པ་རྣམས་དང་། ཀུན་མཁྱེན་བཀའ་འབུམ་དུ་མན་ངག་རྣམ་བཤད། ལུས་དཀྱིལ་དང་དབང་ཆུའི་རྣམ་བཤད། དཀོན་མཆོག་ལྷུན་གྲུབ་བཀའ་འབུམ་དུ་ལམ་རིམ་སྨོན་ལམ། སྣང་རྒྱུད་མཛེས་རྒྱན། དབང་གི་མཚམས་སྦྱོར་རྒྱས་བསྡུས། ཚུལ་ལྗོན་མཛེས་རྒྱན། གོང་མའི་དགོང་རྒྱན་སོགས་བཞུགས་པར་དོན་གཉེར་གྱིས་ལུང་བླང་ཞིང་ཐོས་བསམ་ལ་སྒྲོ་འདོགས་ཆོད་པའི་འབད་རྩོལ་མི་དམན་པ་གནད་དུ་ཆེ་ཞིང་། ལུང་བརྒྱུད་ཀྱང་སོ་སོའི་བཀའ་འབུམ་བཞིན་ཤེས་པར་བྱའོ། །
ལར་གསུང་ངག་ལམ་འབྲས་ཀྱི་ཁྲིད་གཞུང་སྔར་དུས་ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱི་སྣང་རྒྱུད་སོགས་ཡིག་ཆའི་སྟེང་ནས་གནང་བའི་སྲོལ་འབའ་ཞིག་ལས་གཞན་མ་མཆིས་མོད། ཕྱིས་སུ་དུས་སྐལ་ལ་ལྟོས་པའི་ཅུང་ཟད་སླ་ཆོས་ལྟ་བུར་ངག་ཆོས་ཀྱི་ཡིག་ཐོག་ནས་གནང་བ་ཤས་ཆེ་ཞིང་། དེ་ལས་ཀྱང་རེས་