[A:༡༨༤ན]ཀྱིས་མཛད་པའི་ལུང་ཡང་དེ་ཉིད་ལས་མཁྱེན་བརྩེས་གསན་པ་མན་འདྲ།
༈ སློབ་དཔོན་པཱུརྞ་བཛྲ་ལས་རྗེ་བཙུན་སྒྲོལ་བའི་མགོན་པོས་གསན་པའི་འཕགས་པ་ནམ་མཁའི་སྙིང་པོའི་སྒོམ་ལུང་ལེགས་པར་ཐོབ་པའི་བརྒྱུད་པ་ནི། རྡོ་རྗེ་རྣལ་འབྱོར་མ། གྲུབ་ཆེན་ཤཱཀྱ་རཀྵི་ཏ། བུདྡྷ་སྲཱ་མི། སུ་ཛཱ་ཏ། སཱདྷུ་ཛྙཱ་ན། སཾ་པྲ་ཀཱིརྟི། བྲམ་ཟེའི་སློབ་དཔོན་བེ་དཱ་བན་དྷཱུ། བཱིར་མི་ཏྲ། པཱུརྞ་བཛྲ། ཐམས་ཅད་མཁྱེན་པ་ཏཱ་ར་ནཱ་ཐ། རྒྱལ་ཚབ་རིན་ཆེན་རྒྱ་མཚོ། ཡེ་ཤེས་རྒྱ་མཚོ། དེ་ལས་ཀུན་བཟང་དབང་པོས་གསན་ཅིང་། ཡང་ན། རྒྱལ་ཚབ་ཡེ་རྒྱམ་ནས། བློ་གྲོས་རྣམ་རྒྱལ། ངག་དབང་ཕྲིན་ལས། ཀུན་བཟང་དབང་པོ། ཚེ་དབང་ནོར་བུ་མན་རིན་འབྱུང་ནས་བྱུང་བ་སྔ་མ་རྣམས་དང་འདྲ།
ལུང་ལ། སྒྲུབ་ཐབས་རིན་འབྱུང་ནས་བྱུང་བའི་སྒྲུབ་ཐབས། ཇོ་བོའི་ལྟུང་བཤགས་ཆོ་ག་ཆོས་ཆུང་བརྒྱ་རྩ་ལས་བྱུང་བ་གཉིས་དེ་ཉིད་ཀྱི་ལྟར། བརྒྱུད་འདེབས་ཨིནྡྲ་ནཱི་ལའི་ཕྲེང་བ། བཟླས་ལུང་སྒྲུབ་ཐབས་ལྟུང་བ་བཤགས་པའི་ཆོ་ག་དང་བཅས་པ་