[A:༡༨༧ན]མཛད་པ་དང་། བུམ་གཏེར་གཞུག་པའི་མན་ངག་གསལ་བྱེད་དང་བཅས་པ་ཀླུ་བུམ་སྒྲུབ་ཐབས་དཀོན་མཆོག་ལྷུན་གྲུབ་ཀྱིས་མཛད་པ། དེའི་ལྷན་ཐབས་སངས་རྒྱས་ཕུན་ཚོགས་ཀྱིས་མཛད་པ་རྣམས་བཀའ་འབུམ་ལྟར།
༈ དཔལ་ས་སྐྱ་པའི་གསེར་ཆོས་འཇིག་རྟེན་དབང་ཕྱུག་སེང་གེ་སྒྲའི་ངག་སྲུང་འགྲོལ་གྱི་གདམས་པ་ཀླུ་པའི་གསེར་ཆོས་བཅུ་བཞིའི་ནང་ཚན་ཡར་ཀླུང་པ་སེང་གེ་རྒྱལ་མཚན་གྱི་ཞུ་དག་བྱས་པ། སྒྲུབ་ཐབས་ཚར་ཆེན་རིན་པོ་ཆེ་བློ་གསལ་རྒྱ་མཚོས་མཛད་པ། ཡང་སྒྲུབ་ཐབས་རྨོར་ཆེན་གྱིས་མཛད་པ་རྣམས་གསེར་པོད་ལྟར།
༈ ཐུགས་རྗེ་ཆེན་པོའི་མིག་འབྱེད་མངའ་བདག་ཉང་གི་གཏེར་བྱོན་ལ། གཏེར་གཞུང་དངོས། ཞལ་ཤེས་ལག་ལེན། དེ་ཉིད་ཀྱི་སྐབས་དོན་གསུམ་གསལ་བྱེད་བརྒྱུད་འདེབས་བཅས་བྱང་བདག་བཀྲ་ཤིས་སྟོབས་རྒྱལ་གྱིས་མཛད་པ། བརྒྱུད་འདེབས་ཁ་སྐོང་བཀྲ་ཤིས་རྣམ་རྒྱལ་གྱིས་མཛད་པ་རྗེ་མཁྱེན་བརྩེའི་ཞལ་སྐོང་ཅན་བཅས་ཀྱི་བརྒྱུད་པ་ནི། སྣང་བ་མཐའ་ཡས། ཐུགས་རྗེ་ཆེན་པོ། པདྨ་