[A:༢༠༢བ]ལུང་ལ། ཁྱུང་ནག་གདམས་པ་བློ་བཟང་ཆོས་རྒྱན་གྱིས་མཛད་པ། བཀྲུ་བྱབ་སྲུང་གསུམ་པཎ་ཆེན་དཔལ་ལྡན་ཡེ་ཤེས་ཀྱི་གསུང་ལས་བཏུས་པ། རྗེས་གནང་བློ་བཟང་ཆོས་ཀྱི་ཉི་མས་མཛད་པ། སྲུང་འཁོར་ཟ་ཡིག་ཡིག་རྙིང་དང་གུ་གེ་ཡོངས་འཛིན་གྱི་གསུང་ལས་བཏུས་པ་བཅས་གོང་དང་འདྲ་སྙམ།
༈ རྗེ་བཙུན་པདྨ་ཐོད་ཕྲེང་གི་གདམས་པ་ཡེ་ཤེས་ཀྱི་ཁྱུང་དམར་པོའི་རྗེས་གནང་ཁྱུང་ནག་ལ་ལྷ་སྔགས་ཁ་བསྒྱུར་ཏེ་ཐོབ་པའི་བརྒྱུད་པ་དང་། ལུང་ལ། ཡེ་ཤེས་བྱ་ཁྱུང་དམར་པོའི་སྒྲུབ་ཐབས་ལས་ཚོགས་སློབ་དཔོན་པདྨའི་གསུང་། རྗེས་གནང་གི་ཐོ་དང་བཅས་པ་བཙལ།
༈ བླ་མ་རྡོ་རྗེ་འཛིན་པ་ནས་བ་རི་ལོ་ཙཱ་བ་རིན་ཆེན་གྲགས་པ་བརྒྱུད་དཔལ་ས་སྐྱ་པའི་གསེར་ཆོས་མཁའ་འགྲོ་མ་སེང་གེའི་གདོང་ཅན་སྔོན་མོའི་རྗེས་གནང་ནམ་མཁའ་དཔལ་བཟང་གི་ཡིག་སྟེང་ནས་ལེགས་པར་ཐོབ་པའི་བརྒྱུད་པ་ནི། བླ་བརྒྱུད་གྲགས་ཆེན་བཅུ་གཅིག །ཞང་དཀོན་མཆོག་དཔལ། ན་བཟའ་བྲག་ཕུག་པ། བླ་མ་དམ་པ་བསོད་ནམས་རྒྱལ་མཚན། བླ་མ་ཀུན་དགའ་བཀྲ་ཤིས། ངང་ཚུལ་བཟང་པོ། ཚུལ་ཁྲིམས་རྒྱལ་མཚན།