[A:༢༦༥བ]ལྷ་དགུའི་མན་ངག་དཔལ་ས་སྐྱ་པ་པད་འདུལ་ཀུན་དགའ་བཀྲ་ཤིས་ལས་གསན་ཅིང་། དེས་མཚོན་ཏེ། འཇམ་དབྱངས་སྨྲ་སེང་དང་། མང་མཁར་བ་བློ་གྲོས་བཟང་པོའི་སྒྲོལ་དཀར་བེ་བུམ་ལུང་དཔལ་ལྡན་ཆོས་ཀྱི་རྒྱལ་མཚན། ཚེ་རྟ་ཟུང་འབྲེལ་དང། འཇམ་དབྱངས་དམར་སེར་རྗེས་ལུང་དཔལ་ལྡན་ཕྲིན་ལས། ཞུ་ཆེན་སྨྱུང་ཆོག་བྱམས་པ་བསྟན་འཛིན་རྣམ་རྒྱལ། འཇམ་དཔལ་ཤེས་རབ་འཁོར་ལོ་དང་། གཙུག་འབར་རྗེས་ལུང་ངག་གི་དབང་པོ། མགོན་དཀར་རྗེས་གནང་དང་། ཡིག་ཆ་སྐོར་སངས་རྒྱས་ཕུན་ཚོགས་ཀྱིས་བསྒྲིགས་པ་ལས་ཚར་ཆེན་དང་། དཔལ་གླིང་པ་བསོད་ནམས་རྒྱ་མཚོའི་ཡིག་ཆ་མ་གཏོགས་གཞན་ཚང་མའི་ལུང་ཞབས་དྲུང་ནམ་མཁའ་རྒྱལ་མཚན། ཆགས་མེད་སྨྲ་སེང་སྒྲུབ་ཐབས་ཀྱི་ལུང་ཀརྨ་པ་ཐེག་མཆོག་རྡོ་རྗེ། ལོ་ཆེན་རིན་ཆེན་རྣམ་རྒྱལ་གྱི་དབྱངས་ཅན་དཀར་མོའི་སྒྲུབ་ཐབས་དང་། བོ་དོང་པཎ་ཆེན་གྱི་མཛད་པའི་ལས་སྦྱོར་ཚིགས་བཅད་མ། བསྟོད་པ་བཅས་ཀྱི་ལུང། འཇམ་དབྱངས་བཞད་པས་མཛད་པའི་སྲད་རྒྱུད་ལུགས་ཀྱི་རི་ཁྲོད་མ་རིགས་གསུམ་གྱི་སྒྲུབ་ཐབས། སོ་སོའི་ལས་