[A:༢༦༨ན]གནང་གསན་ཁུངས་མ་ཆོད་ལ། ལུང་བཀའ་ཆེན་ནོར་བུ་དོན་གྲུབ་ལས་གསན་པ་དང་། སྒྲུབ་ཐབས་རིན་འབྱུང་རྗེས་གནང་ལུང་བཅས་འཇམ་མགོན་བློ་གྲོས་མཐའ་ཡས་ལས་གསན་ཏེ་སྤྱིའི་བརྒྱུད་པ་ཕྱག་རྡོར་གོས་སྔོན་ཅན་དང་གྲུབ་བརྒྱའི་སྐབས་ལྟར་ལ། དེའི་ནང་གསེས་གསར་འགྱུར་སྐོར་སྒྲོལ་མ་རྣལ་འབྱོར་མ་དང་འདྲ། ཀར་ལུགས་གཅིག་ཤེས་ཀུན་གྲོལ་དབོན་ཀརྨ་ངེས་དོན་འཇམ་མགོན་གུ་ཎའི་ཞབས་གཉིས་ཅར་ལས་གསན་ཏེ་སྤྱི་བརྒྱུད་ཀར་ལུགས་སྒྲོལ་དཀར་དང་འདྲ། སྒྲུབ་ཐབས་འདོད་བུམ་ལས་བྱུང་བ་རེ་ཟུང་དེ་ཉིད་ཀྱི་བརྒྱུད་པ་ལྟར་ཏེ་གཞན་དུ་ཤེས། དེ་འབྲེལ་ཀུན་མཁྱེན་ཀློང་ཆེན་པའི་དབྱངས་ཅན་མའི་སྐོར་སོགས་མཁན་པདྨ་རྡོ་རྗེ་ལས་གསན་ནམ་བརྟག །
ཁྲོ་ཕུ་བའི་མན་ངག་བརྒྱ་རྩའི་ལུང་བརྒྱུད་ནི། ཁྲོ་ཕུ་ལོ་ཙཱ་བ་བྱམས་པའི་དཔལ། ཁྲོ་ཕུ་སེམས་དཔའ་ཆེན་པོ། ཡང་རྩེ་བ་རིན་ཆེན་སེང་གེ །དགྲ་བཅོམ་པ་ཡོན་ཏན་བློ་གྲོས། སྤྱང་ལུང་པ་གཞོན་ནུ་བློ་གྲོས། པཎ་ཆེན་ཤཱཀྱ་མཆོག་ལྡན་ནས་རིམ་པར་བརྒྱུད། ལྷོ་བྲག་བླ་མ་དཔལ་ལྡན་གྲགས་པ། ལྷ་