[A:༢༦༨བ]བཙུན་རིན་པོ་ཆེ་དོན་གྲུབ་རྒྱལ་མཚན། དེ་ལས་རྗེ་མཁྱེན་བརྩེས་གསན་པའོ། །
ཡང་ན། པཎ་ཆེན་ཤཱཀྱ་མཆོག་ལྡན་ནས། བྲག་དཀར་བ་སེམས་དཔའ་ཆེན་པོ་བསོད་ནམས་རྒྱལ་མཚན། འཇམ་དབྱངས་ཀུན་དགའ་གྲོལ་མཆོག་མན་འདྲ། འདི་ནི་ཁྲོ་ལོའི་འགྱུར་དང་གསུང་སྐོར་འདིར་གང་བཞུགས་ཀྱི་བརྒྱུད་པར་སྣང་ངོ་། གཞན་འདིར་བཞུགས་པའི་ཡིག་ཆ་བླ་མ་སོ་སོའི་གསུང་རབ་ལས་བྱུང་བ་གསན་ཁུངས་ཙམ་སྨོས་ན། གཙོ་བོར་ཡོངས་རྫོགས་བསྟན་པའི་མངའ་བདག་རྗེ་བཙུན་ས་སྐྱ་གོང་མ་རྣམ་ལྔའི་བཀའ་འབུམ་ཚང་མ་རྡོ་རྗེ་སློབ་དཔོན་ཆེན་པོ་ངག་དབང་ལེགས་གྲུབ་ཀྱི་མདུན་ནས་གསན་ཅིང་། ཉེར་མཁོ་འགའ་ཞིག་སློབ་དཔོན་དགེ་འདུན་རབ་རྒྱས། དཀོན་མཆོག་བསྟན་པ་རབ་རྒྱས། འཇམ་མགོན་བསྟན་འཛིན་སྙན་གྲགས་གསུམ་ལས་ཀྱང་གསན་ནོ། །
རྒྱལ་སྲས་ཐོགས་མེད་བཟང་པོ་དཔལ་གྱི་གསུང་འབུམ་དཀོན་མཆོག་བསྟན་པ་རབ་རྒྱས། ངོར་ཆེན་རྡོ་རྗེ་འཆང་གི་གསུང་འབུམ། མཁན་ཆེན་དཀོན་མཆོག་ལྷུན་གྲུབ་གསུང་འབུམ། ཞུ་ཆེན་ཚུལ་ཁྲིམས་རིན་ཆེན་གསུང་