[A:༢༦༩ན]འབུམ་རྣམས་ཚང་མ་རྡོ་རྗེ་འཛིན་པ་འཇམ་དབྱངས་བློ་གསལ། མུས་ཆེན་སེམས་དཔའ་ཆེན་པོ་དང་། ཀུན་མཁྱེན་བསོད་ནམས་སེང་གེ །མཁས་གྲུབ་དཔལ་ལྡན་དོན་གྲུབ་གསུམ་གྱི་བཀའ་འབུམ། ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱི་བཀའ་འབུམ་གླེགས་བམ་དང་པོ་རྣམས་མཁན་ཆེན་བྱམས་པ་ཀུན་དགའ་བསྟན་འཛིན། ཐར་རྩེ་པཎ་ཆེན་ནམ་མཁའ་དཔལ་བཟང་གི་གསུང་རབ་དང་། འཇམ་མགོན་སངས་རྒྱས་ཕུན་ཚོགས་ཀྱི་བཀའ་འབུམ་ལས་གསན་པ་རྣམས་དབང་རྗེས་གནང་སོ་སོའི་སྐབས་སུ་གསལ་ཞེས་ཕྱག་ཐོར་སྣང་བ། རྗེས་གནང་གི་བརྒྱུད་པ་དང་འདྲ་བར་ཤེས་ལ། དེ་ལས་སངས་ཕུན་པའི་གསུང་ངག་དབང་ལེགས་གྲུབ་ལས་གསན་པའི་ཚུལ་དབྱངས་ཅན་མ་དཀར་མོའི་སྐབས་ནས་འབྱུང་བ་ལྟར་རོ། ། འཇམ་པའི་དབྱངས་ངག་དབང་ལེགས་གྲུབ་ཀྱི་གསུང་རབ་རྣམས་ནི་སྐུ་དངོས་ལས་གསན་པར་སྣང་ངོ་། །
དེ་ལས་གཞན་ཕྱིས་བྱོན་གྱི་ས་སྐྱ་གོང་མ་རྣམས་དང་། ཚར་པའི་བརྒྱུད་འཛིན་རྣམས་ཀྱི་གསུང་གོང་སོ་སོའི་སྐབས་སུ་མ་སོང་བ་རྣམས་མ་ངེས་