R914: དཔལ་ས་སྐྱ་པ་ཆེན་པོ་སྔགས་འཆང་ངག་དབང་ཀུན་དགའ་ཐེག་ཆེན་དཔལ་འབར་འཕྲིན་ལས་བསམ་འཕེལ་དབང་གི་རྒྱལ་པོའི་ཐོབ་ཡིག་རིན་ཆེན་ནོར་བུའི་ཕྲེང་བ། པོད་གཉིས་པ།

  • Pagination (Witness A): ༢༧༣བ
[A:༢༧༣བ]མཐུ་སྟོབས་རྒྱ་མཚོ། ཁ་རག་པ་རིན་ཆེན་འོད་ཟེར། རས་ཆུང་སྤྲུལ་སྐུ་དགེའུ་མཆོག་སྤྲུལ་དུ་གྲགས་པ་བཀའ་བརྒྱུད་ཕྲིན་ལས་དབང་ཕྱུག །དེ་ལས་རྗེ་བླ་མ་མཁྱེན་བརྩེས་གསན་པ་ནས་མན་ཆད་འདྲའོ། ། ལུང་ལ། བཀྲ་ཤིས་ཚེ་རིང་མཆེད་ལྔའི་སྒྲུབ་ཐབས་རྗེ་བཙུན་མི་ལའི་གསུང་རྩ་བ་སྔགས་བཅས། ཐུན་མོང་མ་ཡིན་པའི་མན་ངག་དང་སྒྲུབ་ཐབས། ངན་རྫོང་སྙན་བརྒྱུད་ལས་བྱུང་བའི་ཕྱི་ནང་གསང་གསུམ་དེ་ཁོ་ན་ཉིད་ཀྱི་སྒྲུབ་ཐབས། མཆོག་ལེགས་རྡོ་རྗེས་མཛད་པའི་སྒྲུབ་རྗེས་དངོས་གྲུབ་ཆར་འབེབས་བཅས་ཏེ། རྩ་བའི་ཡི་གེ་ལེ་ཚན་ཀརྨ་ངེས་དོན་དབང་པོ་ལས་གསན་ཅིང་བརྒྱུད་པ་བཙལ། ཕྱི་མ་རྗེས་གནང་དང་འདྲའོ། ། ཚེ་རིང་མའི་གཡང་སྐྱབས་ཆོ་ག་མཛད་པ་པོ་འཇམ་མགོན་བླ་མ་ཉིད་ལས་མཁྱེན་བརྩེས་སོ། །འདི་ཡན་ཆད་ནི་རྗེ་བླ་མ་རྡོ་རྗེ་འཆང་འཇམ་དབྱངས་མཁྱེན་བརྩེའི་དབང་པོ་ཉིད་ཀྱིས་གསན་པའི་ཚུལ་ལོ། ། དེ་ལྟར་རྗེ་བླ་མ་འཇམ་པའི་དབྱངས་ཉིད་ཀྱིས་བསྒྲིགས་ཟིན་པའི་ཁ་སྐོང་རིགས་ཐམས་ཅད་མཁྱེན་པ་ཡོན་ཏན་རྒྱ་མཚོའི་ཞལ་སྔ་ནས་གསང་བསྒྲིགས་གནང་བ། ཐུབ་པ་དམ་