[A:༢བ]རྣམ་མང་ཤེས་བྱའི་དཀྱིལ་འཁོར་མཐའ་དག་སྒྲིབ་བྲལ་ཐུགས་ཀྱི་མེ་ལོང་ངོས་སུ་རྣམ་པར་བཀྲ། །
རྣམ་ཀུན་མི་བཟད་སྒྲིབ་པས་བཅིངས་ལ་སྒྲོལ་བའི་ཐུགས་རྗེ་མཚུངས་ཟླས་དབེན་པ་རྣམ་པར་མངའ། །
རྣམ་དཀར་ཕྲིན་ལས་གདུལ་བྱའི་དཔལ་གྱུར་མཐོང་ཐོས་དྲན་རེག་སྨིན་ཅིང་གྲོལ་མཛད་རྣམ་པར་འཇུག །།
རྣམ་འདྲེན་རྡོ་རྗེ་འཆང་དབང་ལ་སོགས་བརྒྱུད་ལྡན་བླ་མའི་ཚོགས་རྣམས་དུས་ཀུན་རྣམ་པར་རྒྱལ། །
ཁྱད་པར་གྲུབ་བརྒྱའི་དེད་དཔོན་བིརྺའི་ཞབས། །
ཡོངས་རྫོགས་བསྟན་པའི་མངའ་བདག་གོང་མ་ལྔ། །
རྒྱལ་བས་ལུང་བསྟན་རྗེ་བཙུན་ཨེ་ཝྃ་པ། །
ཚར་ཆེན་ཆོས་རྗེ་རྣམས་ལ་གུས་ཕྱག་འཚལ། །
ཆོས་ཀུན་རྩ་བ་ཟུང་འཇུག་སེམས་ཀྱི་གཤིས། །
ཟབ་མོའི་ཐབས་ཀྱིས་ཡང་ཡང་སྦྱངས་པ་ལས། །
འབྲས་བུ་སྐུ་དང་ཡེ་ཤེས་ལྷུན་གྲུབ་པ། །
དགྱེས་མཛད་ལ་སོགས་ཡི་དམ་ལྷ་ཚོགས་མཆོད། །
ཐོག་མེད་དུས་ནས་འཁྲུལ་སྣང་བག་ཆགས་ཀྱིས། །
ཐར་མེད་སྲིད་པའི་རྒྱ་མཚོར་བྱིངས་རྣམས་ལ། །
སྟོན་པ་ལམ་གྲོགས་ཚུལ་གྱིས་