[A:༣༠༠ན]འབྱོར་གྱི་དབང་ཕྱུག་བིརྺ་པ་དང་། ཡེ་ཤེས་ཀྱི་མཁའ་འགྲོ་མས་དངོས་སུ་བྱིན་གྱིས་བརླབས་པའི་གྲུབ་པའི་སློབ་དཔོན་ཆེན་པོ་ཌོམྦི་ཧེ་རུ་ཀས་བཀྲལ་བའི་དཔལ་ཀྱེ་རྡོ་རྗེ་འགྲེལ་པ་ལུགས་སམ། ཌཽམྦྷི་ལུགས་སུ་གྲགས་པ་ལྷ་དགུའི་དཀྱིལ་འཁོར་དུ་མཁན་ཆེན་བྱམས་པ་ཚུལ་ཁྲིམས་དཔལ་བཟང་གི་སྒྲུབ་དཀྱིལ་དབང་ཆོག་ནག་འགྲོས་མའི་ཡིག་སྟེང་ནས་དབང་བཞི་རྫོགས་པར་ཐོབ་པའི་བརྒྱུད་པ་ནི། རྡོ་རྗེ་འཆང་། བདག་མེད་མ། བིརྺ་པ། སློབ་དཔོན་ཌོམྦྷི་ཧེ་རུ་ཀ །ཨ་ལ་ལ་བཛྲ། ནགས་ཁྲོད་པ། གརྦྷ་རི་པ། ཛ་ཡ་ཤྲཱི་ཛྙཱ་ན། སློབ་དཔོན་མི་ཐུབ་ཟླ་བ། དགེ་སློང་དཔའ་བོ་རྡོ་རྗེ། འབྲོག་མི་ལོ་ཙཱ་བ། མངའ་རིས་པ་གསལ་བའི་སྙིང་པོ། འཁོན་སྒྱི་ཆུ་བ་དགྲ་ལྷ་འབར། ས་ཆེན་ཀུན་དགའ་སྙིང་པོ། སློབ་དཔོན་བསོད་ནམས་རྩེ་མོ། རྗེ་བཙུན་གྲགས་པ་རྒྱལ་མཚན། ས་པཎ་ཀུན་དགའ་རྒྱལ་མཚན། རོང་པ་རྒྭ་ལོ་རྣམ་རྒྱལ་རྡོ་རྗེ། དེ་སྲས་རོང་པ་ཤེས་རབ་སེང་གེ ཞང་གྲགས་འབྱོར་ཞབས། བླ་མ་བསོད་ནམས་ལྷུན་གྲུབ། བླ་མ་ངག་དབང་གྲགས་པ། བླ་ཆེན་ཀུན་དགའ་རྒྱལ་མཚན།