[A:༣༠༦ན]ནས། རྣམ་བཤད་ཟིན་ཐུན་དང་། ཁྲིད་དངོས་ལ་སྔོན་འགྲོ་རྣམས་དང་། དངོས་གཞིའི་བསྐྱེད་རིམ་ལ། སྤྱི་བྱེ་བྲག་ལ་སེམས་འཛིན་པ་ཕྱིའི་རྣལ་འབྱོར། ནང་དུ་གནས་ལྔའི་རྡོ་རྗེ་འཇིགས་བྱེད་སོགས་ལ་སེམས་འཛིན་པ་ནང་གི་རྣལ་འབྱོར། ལྷ་སྐུ་གསལ་སྟོང་བདེ་ཆེན་དུ་བསྒྲུབ་པའི་ཕྱིར་རྭ་རྩེའི་རྣལ་འབྱོར་ཕྱི་ནང་གཉིས་དང་སྦྱང་གཞི་སྦྱོང་བྱེད། རྫོགས་རིམ་ལ། གསང་དབང་། ཤེར་དབང་། བཞི་པའི་ལམ་གསུམ་ལས། དང་པོ་ལ། ལུས་གནད་འཁྲུལ་འཁོར། ངག་གནད་རྡོར་བཟླས། ཡིད་གནད་རླུང་ལྔའི་ཏིང་འཛིན། ལུས་རྩ་གྲོལ་པའི་ཐབས། གཏུམ་མོ་ཡེ་ཤེས་ཀྱི་བདུད་རྩི་འབེབས་ཐབས། ཤེར་དབང་ལ་ཕྱག་རྒྱ་དངོས་དང་ཡེ་ཤེས་གཉིས། དབང་བཞི་པ་སྤྲོས་བྲལ་དེ་ཁོ་ན་ཉིད། རྗེས་བརྟན་ཅིང་བོགས་དབྱུང་བ་སྤྱོད་པ་གསུམ་དང་། ལམ་གྱི་འབྲས་བུ་མངོན་དུ་གྱུར་པའི་འབྲས་བུ་བཅས་ལེགས་པར་ཐོབ་པའི་བརྒྱུད་པ་ནི། རྡོ་རྗེ་འཆང་། རྡོ་རྗེ་རོ་ལངས་མ། གྲུབ་ཆེན་ལ་ལི་ཏ་བཛྲ། ཨ་མོ་གྷ་བཛྲ། ཡེ་ཤེས་འབྱུང་གནས་སྦས་པ།