[A:༣༥༡བ]གདན་པ་ཀུན་དགའ་རྣམ་རྒྱལ། དེས་ཀླུ་དབང་གླིང་པ་ཀུན་དགའ་རྒྱལ་པོ་དང་། ལྕང་ལོ་ཅན་པ་བསོད་ནམས་མཆོག་ལྡན་གཉིས། གཉིས་ཀས་འབྲས་སྤུངས་པ་ཚེ་དབང་བཀྲ་ཤིས། དེས་ཚར་ཆེན་བློ་གསལ་རྒྱ་མཚོ། འཇམ་དབྱངས་མཁྱེན་བརྩེའི་དབང་ཕྱུག་གཉིས། གཉིས་ཀས་བོད་མཁར་བ་བྱམས་པ་དོན་གྲུབ་རྒྱལ་མཚན་མན་བཀའ་བབས་སྔ་མ་ལྟར་རོ། །
བཀའ་བབས་གསུམ་པ་མི་འདྲ་བའི་ཁྱད་པར་ནི། ཐོག་མར་གྲི་གུག་ལྷ་ལྔ། ལྷ་བརྒྱད། ལྷ་བཅུ་གཉིས་མ་རྣམས་ཀྱི་བརྒྱུད་པ་སངས་རྒྱས་ཕུན་ཚོགས་ཡན་བཀའ་བབས་སྔ་མ་ལྟར་ལ། དེ་ནས་བསོད་ནམས་དཔལ་ལྡན། ནམ་མཁའ་བསམ་གྲུབ། ས་ཆེན་ཀུན་བློ། ཡར་ཀླུང་ནམ་མཁའ་ལེགས་པ། ངག་དབང་ཆོས་འབྱོར། ངག་དབང་བཟང་པོ། ངག་དབང་ལེགས་གྲུབ། མཐུ་ཆེན་འཇམ་དཔལ་བསྟན་འཛིན། འཇམ་དབྱངས་བློ་གཏེར་དབང་པོ་མན་གོང་ལྟར་རོ། །ཡང་ལྷ་བཅུ་གཉིས་མ་ཇོ་བོ་ལུགས་ཀྱི་བརྒྱུད་པ་ལྟར་ན། ཤྲདྡྷཱ་ཀ་ར་ཝརྨ་ནས། ཇོ་བོ་རྗེ་དཔལ་ལྡན་ཨ་ཏི་ཤ། ལོ་ཆེན་རིན་ཆེན་བཟང་པོ། དགེ་ཚུལ་བསོད་ནམས། རྒྱ་ལྕགས་རི་