[A:༤༢༤བ]ཞུས། །ཆོས་སྐྱོང་དུད་སོལ་ལྷ་མོ་ཞུས། །ཞེས་བལ་པོ་ཕམ་མཐིང་པ་སྤྱི་ཐེར་བ་ལས་ཀྱང་གསན་ཅིང་། རྗེ་མར་པ་ལ་ཡང་སློབ་མའི་གཙོ་བོ་ཀ་ཆེན་བཞིའི་ནང་གི་རྔོག་ཆོས་ཀྱི་རྡོ་རྗེས། ལོ་ཙཱ་བའི་ཆོས་སྐྱོང་གི་གཙོ་བོ་དུད་སོལ་མ། ཀཾ་མ་རྩལ། ཐོད་ཕྲེང་ཅན་གསུམ་ཞུས་པས་གསུམ་ག་མི་ཡོང་གདམ་བཏང་བར། ཀྱེ་རྡོར་དང་གདན་བཞི་སོགས་རྒྱུད་མང་པོའི་བཀའ་སྲུང་དུ་འདུག་པ་དང་། བླ་མ་ཡང་ཐུགས་རྩིགས་ཆེ་བར་འདུག་པ་སོགས་ཀྱི་འདོད་ཁམས་མ་གདམ་ནས་རྫོགས་པར་གསན། དེ་ནས་རྔོག་ཚང་འོག་མར་གྲགས་པའི་རྔོག་སྟོན་ཆེན་པོ་བསོད་ནམས་བསྟན་འཛིན་གྱི་བར་དུ་རིགས་དང་ཆོས་ཀྱི་བརྒྱུད་པ་ཟམ་མ་ཆད་པའི་ངེས་ཤེས་ཀྱི་གནས་ཆེན་པོར་གྱུར་ཏེ་རྗེས་གནང་སྒྲུབ་སྐོར་དང་བཅས་པ་ཡོངས་སུ་རྫོགས་པར་གསན། ཕྱོགས་དེར་བླ་མའི་སྐུའི་སྲོག་ལ་བརྡོ་བའི་བསྒྲལ་བྱའི་ཞིང་ཞིག་འདུག་པ་ཆོས་བཀའ་རྣམས་རྫོགས་པར་གནང་བའི་བཀའ་དྲིན་གསོབ་བྱེད་དུ་ཆོས་སྐྱོང་འདིའི་སྒོ་ནས་གཏོར་མ་ལ་བརྟེན་པའི་ལས་སྦྱོར་མཛད་པས་རིང་པོར་མ་ལོན་པར་རྗེས་མེད་དུ་གྱུར་པ་སོགས་ངོ་མཚར་ཡིད་ཆེས་དང་ལྡན་པའི་ཆོས་སྐོར་ལ། དཔལ་ལྡན་ལྷ་མོ་འདོད་ཁམས་ཀྱི་