[A:༤༦༧ན]ཀྱི་ཁྲིད་གཞུང་ངམ་མན་ངག་ཐུན་མོང་མ་ཡིན་པ་སྙན་ནས་སྙན་དུ་བརྒྱུད་པ་ཀ་ཤ་ཀ་བཅུ་དང་རོང་པོ་བཀའ་བཅུ་སོགས་དགེ་བའི་གཉེན་དུ་མས་བསྐུལ་བ་ལ་བརྟེན་ནས་མཚུངས་མེད་སྐྱེས་མཆོག་རྒྱལ་མཚན་གྱིས་མཛད་པ། གསང་བའི་ཁྲིད་ཡིག་ཟུང་འཇུག་རྣམ་པར་རོལ་པ་བདུད་སྡེ་འཇོམས་པའི་བཤན་པ་ཆེན་པོ་ཞེས་བྱ་བ་མདོ་ཁམས་ལྷོ་ཕྱོགས་དབོན་ཆེན་ཆོས་ཀྱི་རྒྱལ་མཚན་དང་། བླ་མ་གྲགས་པ་རྒྱལ་མཚན་སོགས་ཀྱིས་བསྐུལ་ནས་རྡོ་རྗེ་འཆང་ཚར་པ་ཆོས་རྗེས་དཔལ་ས་སྐྱའི་གཙུག་ལག་ཁང་དུ་མཛད་པ། དེས་ཁའུ་བྲག་རྫོང་ནག་པོའི་རུ་འདྲེན་གྱི་ཕོ་བྲང་སུམ་ཅུ་རྩ་གསུམ་གྱི་བསམ་གཏན་ཁང་བུར་མཛད་པའི་བརྒྱུད་འདེབས་སྨོན་ལམ་དང་བཅས་པ་རྒྱལ་བ་ཀུན་དངོས་མ་རྣམས་འདི་སྐོར་ནི་གཙོ་བོར་མཆོག་གི་དངོས་གྲུབ་ཟུང་འཇུག་གི་གོ་འཕང་སྒྲུབ་པའི་གསང་ལམ་ཟབ་མོ་ཡིན་པས། དཀར་ཆག་ཏུ། ལྷན་སྐྱེས་རྡོ་རྗེ་ལུས་ཀྱི་ཞིང་སྐྱོང་ཆེ། །བདེ་ཆེན་འོད་སྟོང་འབར་བའི་འཛུམ་ཞལ་མ། །རྣལ་འབྱོར་ཡིད་ཀྱི་དགའ་མ་ཇི་བཞིན་དུ། །འབྲལ་མེད་རྩེ་དགས་རོལ་འདི་ངོ་མཚར་རྨད། །ཨེ་མ་ཚེ་འདིའི་ཆོས་བརྒྱད་ཀུན་དོར་ནས། །གཅིག་པུར་དབེན་