[A:༤༧༤བ]མདའ་འཕང་། ཕོ་གདོང་མོ་གདོང་། རི་རབ་གླིང་བཞི། གདུགས་སོགས་མདོས་ཀྱི་ཆ་ལག་རྣམས་དང་། གཞན་ཡང་དཔེ་རིས་རྙིང་པ་ན་མེད་པའི་མགོན་པོ་ཆེ་ཆུང་གི་དམ་རྫས་རྒྱན་གྱི་གཏོར་མ་དཔལ་གྱི་ཞལ་ཟས། ཛམྦུ་ཏི་བ། བཤོས་བུ་དམར་ནག །གུར་གྱི་བསྙེན་སྒྲུབ། རྗེས་གནང་གི་གཏོར་དཔེ། དུད་སོལ་མའི་གཏོར་མ། ཞལ་གྱི་དམ་ཚིག་བསྐང་གསོ་དང་རྟག་གཏོར། པུ་ཏྲའི་གཏོར་མ། བེཀྩེའི་གཏོར་མ། གཞི་བདག་གཏོར་མ། དམར་ཆེན་གཏོར་མ། མགོན་པོ་ཆེ་ཆུང་གི་གཏོང་མའི་དར་གུར། ཟངས་གྲི་ཅན་གྱི་ཟོར་གཏོར། ཞལ་གྱི་གཏོར་ཆེན་གྱི་དཔེ་རྣམས་རྡོ་རྗེ་འཆང་མགོན་པོ་བསོད་ནམས་མཆོག་ལྡན་གྱི་ཞལ་བཀོད་མ་རྣམས་སོ། །
༈ གཉིས་པ་དཀར་ཆག་གིས་མ་ཟིན་པའི་སྐོར་ལ། ཕྱི་སྒྲུབ་དང་ཁྱད་པར་གྱི་མན་ངག་ལ་མཁོ་བའི་སྐོར། གསང་སྒྲུབ་ཀྱི་སྐོར། ཕྱི་སྒྲུབ་ཀྱི་སྙིང་པོར་གྱུར་པ་ཟབ་པ་ལས་ཀྱང་ཆེས་ཟབ་པའི་སྙིང་ཐིག་ཧ་ལ་ནག་པོའི་སྐོར་དང་གསུམ། དང་པོ་ལ། མགོར། གདོང་བརྙན་ཅན་ལ་གཏོར་མ་འབུལ་ན། པཾ་ལས་པདྨ་རཾ་ལས་ཉི་མའི་དཀྱིལ་འཁོར་གྱི་སྟེང་ཏུ་གཟས་པ་བསྐྱེད་ཅེས་ཡོད་པའི་གླང་