[A:༤༨༡ན]ལ་གཅེས་པར་འཛིན་ཞིང་། སྣོད་ལྡན་ལ་ཆིག་བརྒྱུད་ལས་མང་པོར་མི་སྤེལ་བ་སོགས་མགོན་པོ་དཔང་དུ་བཙུགས་པའི་དམ་བསྒྲགས་ཤིང་། འཆོལ་པར་སྤྱོད་པ་རྣམས་གནོད་སྦྱིན་བེག་རྩེ་ལྕམ་དྲལ་གྱིས་སྙིང་ཁྲག་འཐུང་བའི་བཀའ་རྒྱ་ཤིན་ཏུ་དམ་པ། དུས་དེར་ཆོས་ཀྱི་ཡོན་ལ་གསེར་སྲང་གང་ངམ། ཡང་ན་དེ་རི་བའི་དངོས་པོ་འབུལ་བ་སོགས་ཀྱི་ཕྱག་ལེན་དེང་སང་གི་བར་དུའང་མ་ནུབ་པར་ཡོད་པས་དཔེ་ཙམ་མཐོང་བས་ཉམས་སུ་ལེན་པ། རྐུ་ཐབས་བྱེད་པ། ས་སྐྱ་པའི་བསྟན་པ་སྤྱི་སྒེར་ལ་གཅེས་པར་འཛིན་པ་ལྟ་ཞོག །གནོད་པ་ལྷུར་ལེན་བཞིན་དུ་ཚུལ་འདི་དོན་དུ་གཉེར་བ་རྣམས་ནི། ས་བོན་མེས་ཚིག་པ་ལ་སོ་ནམས་འབད་པ་ལྷུར་ལེན་པ་དང་། བཙན་དུག་ལ་རྗེན་ཟས་བྱེད་པ་དང་མཚུངས་པས་བག་ཡོད་པར་བྱ་བ་ནི་གནད་དམ་པའོ། །
གཉིས་པ་བུ་ཡིག་ནི། གོང་གི་མ་ཡིག་གི་བེའུ་བུམ་མིའི་ལུས་ཀྱི་ཕྱིའི་དབྱིབས་ལྟ་བུ་ལ་སྟོད་སྨད་བར་གསུམ་གྱི་ཟབ་གནད་དོན་སྣོད་དང་དབང་པོ་ལྟ་བུ་རྣམས་ལོགས་སུ་གབ་པ་ཡིན་ལ། དེའི་རྒྱུན་མཚན་ནི། ཚེ་འདིའི་འདོད་པ་ཕྲ་མོ་ཙམ་གྱི་ཕྱིར། །དྲག་པོའི་ལས་སྦྱོར་བྱུང་རྒྱལ་སྤྱོད་བྱེད་ཅིང་། །ཆོས་ལ་བརྟེན་ནས་སྡིག་ཆེན་གསོག་