[A:499b]chen rgyal mtshan/ grub mchog byams pa bstan 'dzin/ gnas lnga kun bkras man 'dra/
rdo rje 'chang sangs rgyas rgya mtshos mdzad pa'i dpal mgon zhal bzhi pa'i las bzhi so sor bstod pa'i yig lung thob pa'i brgyud pa ni/ khams ston sangs rgyas rgya mtsho/ gnas gsar ba/ sa chen kun blo man gong ltar ro/ /
'jam mgon gnas gsar ba ngag dbang kun dga' legs pa'i 'byung gnas kyis mdzad pa'i dpal mgon gdong bzhi pa'i gtor mdos lhan rgyas kyi lung brgyud ni/ 'jam mgon gnas gsar ba chen po/ sa chen kun dga' blo gros man gong ltar ro/ /
mdor na gzims sprul rin po che byams pa kun dga' bstan 'dzin gyis gong gi rjes gnang rnams drag shul phrin las rin chen las gsan cing / lung rnams snyan grags thar pa las gsan gsungs pa dang / yang phyag bris gcig na rjes gnang thun mong ba rnams drag shul phrin las rin chen dang / rjes gnang thun min dang lung khrid tshad ma snyan grags thar pa las zhus par gsal bas cung mi 'dra 'dug go/ //
༒ gnod sbyin zangs kyi bekce'i chos skor ji lta ba