[A:506a]bsam gyi mi khyab pa gangs can gyi ljongs su bzhugs pa la sngon du 'gro ba rjes gnang gi skor dang / rgyud rgya gzhung sogs kyi pod kyi lung gnyis las/ dang po ni/ rdo rje 'chang tshar chen blo gsal rgya mtshos yongs 'dzin mang po'i zhal sgo las gsan cing rnam sras rigs mi 'dra ba lnga phrag gsum gyi chos skor rnams phyogs gcig tu bsgrigs pa'i rjes gnang gi chog khrigs dngos grub 'dod 'jo zhes pa mgon po bsod nams mchog ldan gyi mdzad pa'i steng nas legs par thob pa'i brgyud rim dang bcas pa skabs dang po yab rje rdo rje 'chang chen nas zab chos nos skor bstan pa'i skabs su song nas/ gnyis pa lung gi skor ni/ dpal chos skyong ba'i rgyal po de nyid kyi bka' gangs can gyi ljongs 'dir yod do cog rnams snyan brgyud rgya mtsho'i mnga' bdag tshar pa thams cad mkhyen pa blo gsal rgya mtshor bka' babs par brten/ dpal sa skya pa'i skyes mchog thams cad kyis nyams zhes mdzad cing / khyad par 'jam mgon kun dga' bsod nams kyi zhi drag gi pod gnyis su bsdoms te/ dkar chag tu bkod par mdzad pa de phyin rnam sras