[A:518b]ma gtogs cha tshang ye med pas dpe su byung la mi ston pa'i bka' rgya yod tshul dkar chag tu 'dug pa bzhin snying la bcang bar bya'o/ /
! bzhi pa rje bkra shis rnam rgyal pas mdzad pa'i yi ge ni/ rje btsun ku ru ku lle'i phyi nang gsang gsum gyi bsnyen sgrub las sbyor dang bcas pa'i yi ge shin tu rgyas par shar dwags po'i paNDi ta bkra shis rnam rgyal gyis mdzad pa'o// //
! lnga pa dkar chag tu ma bzhugs pa'i yi ge la/ rje btsun ma rigs byed ma byon tshul yid 'phrog padma rA ga'i chun po 'a zha artha siddhis mdzad pa/ chos tshan gcig tu tshang ba'i dmar po skor gsum gyi rjes gnang gi gsal byed rdo rje 'chang dbang phyug rab brtan gyis mdzad pa/ 'phags ma ku ru ku lle'i man ngag gi rim pa zhes bskyed rim/ bsam gtan gyi sbyor ba/ sbyin sreg /'khrul 'khor/ las sna tshogs pa ste rim pa lngar phye nas bstan pa'i sgrub thabs paNDi ta don yod rdo rje dang ba ri lo tsA ba'i 'gyur/ ku ru kulle'i rgyun gyi rnal 'byor du bya ba'i ngag 'don gyi sgrub thabs tshar chen gyis mdzad pa/ des mdzad pa'i brgyud 'debs srid gsum dbang mdzad ma/ des mdzad pa'i bstod pa rgyal ba'i ye shes ma/ sbyin sreg gi yi ge