[A:༥༡༨བ]མ་གཏོགས་ཆ་ཚང་ཡེ་མེད་པས་དཔེ་སུ་བྱུང་ལ་མི་སྟོན་པའི་བཀའ་རྒྱ་ཡོད་ཚུལ་དཀར་ཆག་ཏུ་འདུག་པ་བཞིན་སྙིང་ལ་བཅང་བར་བྱའོ། །
༈ བཞི་པ་རྗེ་བཀྲ་ཤིས་རྣམ་རྒྱལ་པས་མཛད་པའི་ཡི་གེ་ནི། རྗེ་བཙུན་ཀུ་རུ་ཀུ་ལླེའི་ཕྱི་ནང་གསང་གསུམ་གྱི་བསྙེན་སྒྲུབ་ལས་སྦྱོར་དང་བཅས་པའི་ཡི་གེ་ཤིན་ཏུ་རྒྱས་པར་ཤར་དྭགས་པོའི་པཎྜི་ཏ་བཀྲ་ཤིས་རྣམ་རྒྱལ་གྱིས་མཛད་པའོ།། །།
༈ ལྔ་པ་དཀར་ཆག་ཏུ་མ་བཞུགས་པའི་ཡི་གེ་ལ། རྗེ་བཙུན་མ་རིགས་བྱེད་མ་བྱོན་ཚུལ་ཡིད་འཕྲོག་པདྨ་རཱ་གའི་ཆུན་པོ་འ་ཞ་ཨརྠ་སིདྡྷིས་མཛད་པ། ཆོས་ཚན་གཅིག་ཏུ་ཚང་བའི་དམར་པོ་སྐོར་གསུམ་གྱི་རྗེས་གནང་གི་གསལ་བྱེད་རྡོ་རྗེ་འཆང་དབང་ཕྱུག་རབ་བརྟན་གྱིས་མཛད་པ། འཕགས་མ་ཀུ་རུ་ཀུ་ལླེའི་མན་ངག་གི་རིམ་པ་ཞེས་བསྐྱེད་རིམ། བསམ་གཏན་གྱི་སྦྱོར་བ། སྦྱིན་སྲེག །འཁྲུལ་འཁོར། ལས་སྣ་ཚོགས་པ་སྟེ་རིམ་པ་ལྔར་ཕྱེ་ནས་བསྟན་པའི་སྒྲུབ་ཐབས་པཎྜི་ཏ་དོན་ཡོད་རྡོ་རྗེ་དང་བ་རི་ལོ་ཙཱ་བའི་འགྱུར། ཀུ་རུ་ཀུལླེའི་རྒྱུན་གྱི་རྣལ་འབྱོར་དུ་བྱ་བའི་ངག་འདོན་གྱི་སྒྲུབ་ཐབས་ཚར་ཆེན་གྱིས་མཛད་པ། དེས་མཛད་པའི་བརྒྱུད་འདེབས་སྲིད་གསུམ་དབང་མཛད་མ། དེས་མཛད་པའི་བསྟོད་པ་རྒྱལ་བའི་ཡེ་ཤེས་མ། སྦྱིན་སྲེག་གི་ཡི་གེ་