[A:525a]bstan pa la mi dad pa'i rgyal po dregs pa can dbang du bsdus nas bstan pa la bcug pa'i tshul dang mtshungs shing/ zangs tsha bsod nams rgyal mtshan gyis tshogs bdag gzir ba'i mthus/ des bskul nas se ston ri pa bsam bzhin du 'phags pa rin po cher skye ba bzhes nas hor rgyal po ti shrI gyur te bod chol kha gsum gyi bdag por dbang bskur ba dang / khams su dge slong bzhi sde zhig gis lha chen 'di bsgrubs pas/ gser lug gi mchin pa tsam rnyed pa sogs thun mong gi dngos grub bsam gyis mi khyab pa 'byung ba'i gser chos zab mo'i skor la/ ngor chen rdo rje 'chang gis mdzad pa'i rjes gnang gi yi ge'i dgongs pa ngor chen dkon mchog lhun grub kyis mdzad pa'i mngon rtogs rjes gnang gi yi ge la brten nas ngor lugs thun mong ma yin pa'i rjes gnang paN chen ngag dbang chos grags kyis mdzad pa'i phyag len khrigs chags 'dod rgu'i dpag bsam gyi steng nas dmar chen phyag bcu gnyis pa thun mong ma yin pa'i rjes gnang/ yang des mdzad pa'i ma nor don tshang gsal ba'i sgron me'i steng nas dmar chen phyag bcu gnyis