[A:563a]lam ni'u gu chos drug nos skor ni/ de yang mkhas grub khyung po'i rnal 'byor zhes mtshan nyi zla ltar yongs su grags pa de nyid kyis/ rgya dang bal po'i yul du lan bdun byon nas/ grags chen gyi bla ma brgya dang lnga bcu/ grub pa thob pa'i bla ma bcu gsum/ rtsa ba'i bla ma bzhi/ mkha' 'gro ma nI dhi gnyis po las zab chos bsam gyis mi khyab pa gsan pa rnams kyi yang snying ni dhi gnyis kyi chos drug ste/ shangs lugs su grags pa'i zab lam nI gu chos drug 'di'i chos skor rnams nos pa'i rkang grangs ni/ rtsa ba nI gu chos drug/ sdong po phyag rgya chen po/ yal ga lam khyer rnam gsum/ me tog mkha' spyod dkar dmar/ 'bras bu lus sems 'chi med/ bka' srung ye shes mgon po'i skor te drug las/ dang po nI gu'i chos drug skor la/ smin byed dbang dang sgos bka'/ grol byed kyi khrid/ rgyab rten lung dang gsum las/ dang po nI gu'i lam gyi smin byed la/ khog dbub gsum/ sgos bka' drug gam brgyad de/ 'jug sgo dbang gdams ngag dang 'brel ba dang / gdams ngag dbang dang 'brel ba gnyis bsnan pas brgyad do/ /