[A:578a]seng ge bzang po/ nam mkha' rgyal mtshan zhes sogs dang / ! yang 'brom ston nas/ dge bshes po to ba/ sha ra ba/ 'chad kha ba/ se spyil phu ba sogs te lam rim brgyud pa zhib pa dgos na gzhan du rtogs par bya'o/ /de dang sbrel bar jo bo'i byang chub lam rim dang / byang chub sems dpa'i nor bu'i phreng ba/ dben sa pa sogs kyis mdzad pa'i sbyor ba'i chos drug dang / dmar khrid sngon 'gro'i ngag 'don skal bzang mgrin rgyan/ dga' ldan lha brgya ma/ thun drug gi rnal 'byor bcas kyi lung brgyud kyang/ mdzad pa po so so nas/ de man gong 'dra snyam mo/ /
de ltar sngon 'gro'i gsung bshad ljags lung bcas legs par bstsal ba'i rjes de ma thag dngos gzhi gsang sngags rdo rje theg pa'i chos skor la/ spyir rgyud bzhi yod pa las/ gsang sngags bla med kyi rgyud/ de la'ang brjod bya'i sgo nas thabs gtso bor ston pa pha rgyud/ shes rab gtso bor ston pa ma rgyud/ thabs shes gnyis ka cha mnyam du ston pa gnyis med kyi rgyud de gsum yod pa las/ pha rgyud de la pha rgyud sde gsum las gshin