[A:583b]nang bskyed rim gyi rnam bshad rgyas pa rnams sbyar te phyi dkyil grub nas/ nang dkyil mgor lam dus kyi dbang gi chu bo ma nub pa 'jam dbyangs bsod nams dbang po'i yig steng nas dang / gsang dbang gi khrid kyi dbur byin rlabs kyi brgyud pa ma nyams pa'i gtso bo rgyal yum rdo rje bdag med ma'i byin rlabs mkhan chen ngag chos dang / 'jam dbyangs mkhyen brtse'i yig steng nas sindhU ra'i dkyil 'khor du legs par nos/
de lta bu'i khrid kyi skabs su thog mar sngon 'gro/ dngos gzhi/ rjes gsum gyi sgo nas 'khor 'das dbyer med kyi lta ba bsgom pa dang / dbang bzhi'i lam gyi skabs su re re la'ang lam dang / lta ba dang / grub mtha' dang / 'da' kha ma dang / zhar byung bar do dang / 'bras bu ste don tshan drug drug gi 'chad pa'i dmigs khrid skyong dgos pa rnams la sgro 'dogs gcod pa dang / dmigs rkang skyong ba tshul bzhin bgyis/ de ltar gsung ngag rin po che lam 'bras bu dang bcas pa'i dbang khrid byin rlabs man ngag nyams len gyi gnad yongs su rdzogs pa legs par thob pa'i brgyud pa ni/ yang dag par rdzogs pa'i sangs rgyas rdo rje 'chang/ rje btsun bdag med ma/ dpal ldan birWa pa/