[A:585b]mkhyen pa dkon mchog lhun grub dang / rje sangs rgyas seng ge gnyis kyis gsan/ de gnyis ka las rje dkon mchog dpal ldan dang / paN chen nam mkha' dpal bzang gnyis kyis gsan/ de gnyis ka las 'jam dbyangs bsod nams lhun grub/ de las shar pa shes rab 'byung gnas/ mkhan chen lhun grub dpal ldan/ de las 'jam dbyangs kun dga' bkra shis kyis gsan pa man 'dra/ gzhan yang yang na zhes brgyud rim cung zad mi 'dra ba mang du yod pa rnams rdo rje 'chang drag shul phrin las rin chen gyis gsan yig las rtogs par byas te/ de rnams da lta'i gsung ngag gi brgyud pa la gcig 'dres su yod par go bar bya'o/ /
yang nye brgyud ni/ bla ma sa skya pa chen po la/ rnal 'byor gyi dbang phyug birWa pas sa dkar po rgyab yol gyi tshul du mdzad/ sa skya'i sbal grog nas mon grog gi bar skyil krung gcig gis khebs pa gtso 'khor lngas mngon sum du zhal gzigs te sa 'di nga dbang gsungs/ de nas dbu rtse rnying mar zla ba gcig gi bar du mngon sum du byon nas gsung ngag rin po che dang / lcags ri las mi 'da' ba'i gser chos bzhi dang / rgyud sde bdun cu rtsa gnyis la sogs